China : ఒకప్పుడు ప్రపంచాన్ని శాసించిన చైనా ఆర్థిక ఇంజన్ ఇప్పుడు వేగం కోల్పోతోంది. దశాబ్దాల క్రితం డ్రాగన్ దేశం అమలు చేసిన కఠిన One-Child Policy ప్రస్తుతం ఆ దేశ మెడకే చుట్టుకుంది. యువ శ్రామిక శక్తి వేగంగా పడిపోవడం, వృద్ధుల జనాభా భారీగా పెరగడంతో చైనా పెన్షన్ వ్యవస్థ తీవ్ర సంక్షోభంలో పడింది. నిధుల కొరతను అధిగమించడానికి ప్రభుత్వం 75 ఏళ్లలో మొదటిసారి రిటైర్మెంట్ వయస్సును పెంచడంతో ప్రజలు, ముఖ్యంగా నిరుద్యోగ యువత సోషల్ మీడియా వేదికగా తీవ్ర అసంతృప్తి వ్యక్తం చేస్తున్నారు.

Also Read : భారత్‌లో అల్లర్లకు అంతర్జాతీయంగా కుట్ర? 9 దేశాల్లో 101 నెట్‌వర్క్‌లు

చైనా అధికారికంగా 140 కోట్ల జనాభా అని చెబుతున్నప్పటికీ, వాస్తవంగా అది 127 కోట్ల కంటే ఎక్కువేమీ లేదని పలువురు జనాభా నిపుణులు విశ్లేషిస్తున్నారు. చౌక శ్రమపై ఆధారపడి ప్రపంచానికే ‘ఫ్యాక్టరీ’గా మారిన చైనాలో ఇప్పుడు పని చేయడానికి యువకులు లేక కార్మాగారాలు వెలవెలబోయే పరిస్థితి వచ్చింది. డిమాండ్ తగ్గడం, అంతర్గత మార్కెట్ కుంచించుకుపోవడంతో చైనా జీడీపీ వృద్ధి రేటు భారీగా పడిపోతోంది.

చైనాలో ఆర్థిక చక్రం నెమ్మదించడం ప్రపంచ మార్కెట్లపై తీవ్ర ప్రభావం చూపుతోంది, అయితే ఇది భారతదేశానికి ఒక రకంగా వరంగా మారుతోంది. ప్రపంచంలోనే అత్యధికంగా ముడి చమురును వినియోగించే దేశాల్లో చైనా అగ్రస్థానంలో ఉంది. అక్కడ ఫ్యాక్టరీలు, ఉత్పత్తి రంగాలు మందగించడంతో చైనా నుంచి చమురు డిమాండ్ గణనీయంగా పడిపోయింది.

ప్రపంచవ్యాప్తంగా డిమాండ్ తగ్గడంతో అంతర్జాతీయ మార్కెట్లో ముడి చమురు (Crude Oil) ధరలు క్రమంగా దిగివస్తున్నాయి. భారత్ తన చమురు అవసరాలలో 85% పైగా దిగుమతులపైనే ఆధారపడుతుంది. చైనా సంక్షోభం కారణంగా అంతర్జాతీయంగా క్రూడ్ ఆయిల్ ధరలు తగ్గడం వల్ల భారత్‌పై దిగుమతి భారం తగ్గి, ద్రవ్యోల్బణం నియంత్రణలోకి వచ్చే అవకాశం లభిస్తోంది. ఒకరి సంక్షోభం మరొకరికి అవకాశంగా మారడం అంటే ఇదే.

Also Read : పసిడి ప్రియులకు గుడ్‌న్యూస్.. ఒక్కసారిగా దిగొచ్చిన బంగారం, వెండి ధరలు.. అసలు కారణం ఇదే!