
ICICI Bank సేవింగ్స్ అకౌంట్ ఉన్నవారికి బిగ్ అలెర్ట్. బ్యాంక్ కొన్ని నగదు లావాదేవీల ఛార్జీలను మార్చింది. ఈ కొత్త ఛార్జీలు డిసెంబర్ 1 నుంచి అమల్లోకి వస్తాయి. ICICI Bank సేవింగ్స్ అకౌంట్ కస్టమర్లకు నెలకు 3 నగదు డిపాజిట్లు ఉచితం. అలాగే 3 నగదు విత్డ్రాలు కూడా ఉచితం. ఈ పరిమితిలో ఎలాంటి మార్పు లేదు. అంటే డిసెంబర్ 1 తర్వాత కూడా నెలకు 3 డిపాజిట్లు, 3 విత్డ్రాలు ఫ్రీగానే ఉంటాయి. అలాగే నెలకు రూ. లక్ష వరకు నగదు డిపాజిట్ చేయడం ఉచితం. నగదు విత్డ్రాకు కూడా రూ. లక్ష వరకు ఉచిత పరిమితి ఉంటుంది.
నెలలో నగదు డిపాజిట్ లేదా విత్డ్రా మొత్తం రూ. లక్ష దాటితే ఛార్జీ పడుతుంది. ప్రస్తుతం ప్రతి రూ.1,000కు రూ.3.50 ఛార్జీ ఉంది. డిసెంబర్ 1 నుంచి ఇది ప్రతి రూ.1,000కు రూ.4కు పెరుగుతుంది. అయితే మినిమం ఛార్జీ రూ.150 ఉంటుంది. అంటే లెక్కించిన ఛార్జీ రూ.150 కంటే తక్కువగా ఉంటే కూడా కనీసం రూ.150 చెల్లించాలి. ఉదాహరణకు ఒక నెలలో మీరు రూ.1.01 లక్షల నగదు డిపాజిట్ చేస్తే, రూ.150 ఛార్జీ పడుతుంది. అదే మీరు రూ.1.38 లక్షల నగదు డిపాజిట్ చేస్తే, రూ.152 ఛార్జీ పడుతుంది.
తరచుగా పెద్ద మొత్తంలో నగదు డిపాజిట్ చేసే వారికి ఈ మార్పుతో అదనపు ఖర్చు ఉంటుంది. అలాగే తరచుగా పెద్ద మొత్తంలో నగదు విత్డ్రా చేసే వారికి కూడా కొత్త ఛార్జీలు వర్తిస్తాయి. ఈ ఛార్జీలు ICICI Bank బ్రాంచ్లలో చేసే నగదు డిపాజిట్లు, విత్డ్రాలకు వర్తిస్తాయి. క్యాష్ రీసైక్లర్ మెషీన్ల ద్వారా చేసే నగదు డిపాజిట్లకు కూడా ఇవి వర్తిస్తాయి. అయితే నెలలో రూ.1 లక్ష పరిమితిలోనే నగదు లావాదేవీలు చేసే వారికి ఈ కొత్త ఛార్జీల వల్ల ఎలాంటి మార్పు ఉండదు.
Also Read : రష్యా-ఉక్రెయిన్ యుద్ధం.. ఆయుధాల ఎగుమతిలో టాప్-2కి చేరిన భారత్
ICICI Bank FD వడ్డీ రేట్లు
ICICI Bankలో రూ.3 కోట్ల కంటే తక్కువ మొత్తానికి చేసే FDలపై సాధారణ కస్టమర్లకు గరిష్ఠంగా 6.50 శాతం వడ్డీ లభిస్తోంది.
సీనియర్ సిటిజన్లకు గరిష్ఠంగా 7.10 శాతం వడ్డీ లభిస్తోంది.
3 సంవత్సరాల 1 రోజు నుంచి 5 సంవత్సరాల వరకు FDపై సాధారణ కస్టమర్లకు 6.50 శాతం, సీనియర్ సిటిజన్లకు 7.10 శాతం వడ్డీ ఉంది.
7 నుంచి 45 రోజుల FDపై సాధారణ కస్టమర్లకు 2.75 శాతం, సీనియర్ సిటిజన్లకు 3.25 శాతం వడ్డీ ఉంటుంది.
46 నుంచి 90 రోజుల FDపై 4 శాతం, 4.50 శాతం వడ్డీ లభిస్తుంది.
91 నుంచి 184 రోజుల FDపై 4.50 శాతం, 5 శాతం వడ్డీ ఉంటుంది.
185 రోజుల నుంచి ఏడాది లోపు FDపై 5.50 శాతం, 6 శాతం వడ్డీ లభిస్తుంది.
సంవత్సరం నుంచి 18 నెలల లోపు FDపై 6.25 శాతం, 6.75 శాతం వడ్డీ ఉంటుంది.
18 నెలల నుంచి 2 సంవత్సరాల వరకు FDపై 6.30 శాతం, 6.80 శాతం వడ్డీ లభిస్తుంది.
2 సంవత్సరాల 1 రోజు నుంచి 3 సంవత్సరాల వరకు FDపై 6.45 శాతం, 6.95 శాతం వడ్డీ ఉంటుంది.
5 సంవత్సరాల 1 రోజు నుంచి 10 సంవత్సరాల వరకు FDపై సాధారణ కస్టమర్లకు 6.50 శాతం, సీనియర్ సిటిజన్లకు 7 శాతం వడ్డీ లభిస్తుంది.
5 సంవత్సరాల ట్యాక్స్ సేవర్ FDపై సాధారణ కస్టమర్లకు 6.50 శాతం, సీనియర్ సిటిజన్లకు 7.10 శాతం వడ్డీ అందుతోంది.
Also Read : డ్రైవింగ్ లైసెన్స్ తీసుకోవాలనకునే వారికి షాక్.. మారిన రూల్స్ ఇవే!









