
స్టాక్ మార్కెట్లో జియో ప్లాట్ఫామ్స్ లిమిటెడ్(JIO Platforms Limited) ఎంట్రీతో ముకేశ్ అంబానీ రిలయన్స్ గ్రూప్ భారత కార్పొరేట్ చరిత్రలోనే సరికొత్త మైలురాయిని అధిగమించింది. మార్కెట్ క్యాపిటలైజేషన్ (మార్కెట్ విలువ) పరంగా ఇన్నాళ్లూ టాప్ ప్లేస్లో కొనసాగిన టాటా గ్రూప్ను వెనక్కి నెట్టి, రిలయన్స్ నంబర్ వన్ స్థానాన్ని సొంతం చేసుకుంది. ప్రస్తుతం రిలయన్స్ గ్రూప్కు చెందిన లిస్టెడ్ కంపెనీల మొత్తం మార్కెట్ విలువ రూ.30.5 లక్షల కోట్లను దాటింది.
Also Read : ఆర్నబ్ తుఫాన్ : రైతులకు ఏపీ సర్కార్ భారీ సాయం.. ఎకరాకు రూ.75 వేలు!
బీఎస్ఈ, ఎన్ఎస్ఈలలో జియో ప్లాట్ఫామ్స్ షేర్లు 21 శాతానికి పైగా ప్రీమియంతో రూ. 1,358 వద్ద లిస్ట్ అయ్యాయి. ఇష్యూ ధర రూ.1,119 కాగా.. ఇన్వెస్టర్లకు మొదటి రోజే అదిరిపోయే లిస్టింగ్ గెయిన్స్ దక్కాయి. దీంతో కంపెనీ మార్కెట్ విలువ ఏకంగా రూ. 12.50 లక్షల కోట్ల మార్కును దాటి, రూ. 10 లక్షల కోట్ల క్లబ్లో చేరింది. దేశంలోనే అత్యంత విలువైన టాప్ 2 కంపెనీలుగా రిలయన్స్ ఇండస్ట్రీస్, జియో ప్లాట్ఫామ్స్ నిలిచాయి. మార్చి 2026తో ముగిసిన ఆర్థిక సంవత్సరంలో జియో ప్లాట్ఫామ్స్ రూ. 1.5 లక్షల కోట్ల ఆదాయంపై రూ. 30,049 కోట్ల నికర లాభాన్ని, 52 శాతం ఎబిటా మార్జిన్ను నమోదు చేసింది. ఈ లిస్టింగ్తో టెలికాం రంగంలో భారతీ ఎయిర్టెల్ మూడో స్థానానికి పడిపోయింది.
మరోవైపు, జాయింట్ మార్కెట్ క్యాప్లో టాటా గ్రూప్ రెండో స్థానానికి పరిమితమైంది. టాటా గ్రూప్ మొత్తం విలువలో టీసీఎస్ 37 శాతం, టైటాన్ 16 శాతం, టాటా స్టీల్ 9 శాతం వాటాలను కలిగి ఉన్నాయి. ఇదే సమయంలో టాటా సన్స్లో ఛైర్మన్ ఎన్. చంద్రశేఖరన్ పునర్నియామకంపై ట్రస్టులతో వివాదం కొనసాగుతుండటంపై కాంగ్రెస్ అగ్రనేత రాహుల్ గాంధీ సంచలన ఆరోపణలు చేశారు. కుట్రపూరితంగా టాటా గ్రూప్ను నాశనం చేస్తున్నారని, భారత వ్యాపార రంగం ప్రధాని మోదీ, అమిత్ షాల ఆటబొమ్మ కాదని ఆయన ఎక్స్లో విమర్శించారు. ఈ పరిణామాల మధ్య దేశీయ స్టాక్ మార్కెట్ లీగ్లో రిలయన్స్ ఆధిపత్యం మరింత బలపడింది.
Also Read : మందు బాటిళ్లకు ఆన్లైన్ బుకింగ్.. రూల్స్ ఇవే.. 48 గంటలు దాటితే!









