రాధికా ఆప్టే.. ఈ పేరుకు సపరేట్ ఫ్యాన్ బేస్ ఉంది. ఈ బాలీవుడ్ అమ్మడు ఎప్పటికప్పుడు తనకు ఎదురైన చేదు అనుభవాలను, వ్యక్తిగత విషయాలను అభిమానులతో పంచుకుంటూ బహిరంగంగానే మాట్లాడుతూ వైరల్ అవుతుంటారు. తాజాగా మరోసారి ఈ ముద్దుగుమ్మ చేసిన వ్యాఖ్యలు నెట్టింట హాట్ టాపిక్గా మారాయి. ఓ సినిమా షూటింగ్ సమయంలో లోదుస్తులు లేకుండా కేవలం షర్ట్ పైనే యాక్షన్ సీన్లు చేయమన్నారని.. అది తనకు ఏ మాత్రం నచ్చలేదని పేర్కొన్నారు.
Also Read : రావణుడు చెడ్డవాడు కాదు.. సాయిపల్లవి సంచలన కామెంట్స్!
ఇటీవల రాధిక ఆప్టే.. తాను నటించిన కొత్త సిరీస్ ‘అక్కా’ ప్రమోషన్స్ సందర్భంగా నిర్వహించిన ఇంటర్వ్యూలో పాల్గొన్నారు. ఈ ఇంటర్వ్యూలో గతంలో ఓ సినిమా షూటింగ్ సెట్లో ఎదురైన చేదు అనుభవాన్ని పంచుకున్నారు. తాను ఓ సినిమా చేసేటప్పుడు ఒక యాక్షన్ సన్నివేశంలో బ్రా లేకుండా, షర్ట్ బటన్లు తెరిచి నటించాలని చిత్రబృందం తెలిపిందని.. లేదంటే కేవలం లోదుస్తుల్లోనే ఆ సీన్ పూర్తి చేయాలని మేకర్స్ తనను కోరారని గుర్తుచేసుకున్నారు.
ఆ సమయంలో తాను స్పందిస్తూ.. యాక్షన్ సీన్లు చేసేటప్పుడు ఫిజిక్స్ సూత్రాలను ఆలోచించి.. కదలడం వల్ల బట్టలు సరిగా ఉండవని స్పష్టం చేసినట్లు తెలిపారు. కేవలం ఆడియన్స్ను థియేటర్లకు రప్పించాలనే ఉద్దేశంతోనే ఇలాంటివి చేయడం సరైంది కాదని చెప్పుకొచ్చారు. పాత్రల డిమాండ్లపై దర్శకనిర్మాతలకు ముందే క్లారిటీ ఉండాలని రాధిక అభిప్రాయపడ్డారు.
సినిమా ఒప్పుకున్నప్పుడే పాత్ర పరిధి, ఎక్స్పోజింగ్ ఎంతవరకు ఉంటుందనేది ముందే చెప్పాలన్నారు. అంతేకాని సన్నివేశం షూట్ చేయడానికి రెండు రోజుల ముందే ఇలాంటి విషయాలు చెప్పి బేరసారాలు ఆడటం, నటీనటులపై ఒత్తిడి తీసుకురావడం సరైన పద్దతి కాదని అన్నారు. ఈ ఘటనకు సంబంధించి దాదాపు రెండువారాల పాటు దీనిపైనే చర్చలు జరిగాయని ఆమె పేర్కొన్నారు. అంతేకాకుండా ఆ సమయంలో ‘‘ఏ పార్టు ఎంతవరకు చూపిస్తారు?’’ అంటూ పదేపదే అడగడం వల్ల తాను మానసికంగా ఒత్తిడికి, నిరాశకు గురయ్యానని ఆవేదన వ్యక్తం చేశారు.
Also Read : నా గురించి ఆలోచించకండి.. ట్రోలింగ్పై రష్మిక రియాక్షన్









