
ఇండియన్ నేవీ(Indian Navy) సముద్రజలాల్లో తన పట్టును మరింత బలోపేతం చేసుకునే దిశగా అడుగులు వేస్తోంది. రక్షణ రంగాన్ని మరింత పటిష్టం చేసే లక్ష్యంతో కేంద్ర ప్రభుత్వం అత్యంత కీలకమైన ప్రాజెక్ట్ను పట్టాలెక్కించింది. నేవీ కోసం ఏకంగా ఎనిమిది నెక్స్ట్-జెనరేషన్ కార్వెట్లు నిర్మించేందుకు ప్రధాని మోడీ అధ్యక్షతన సమావేశమైన క్యాబినెట్ కమిటీ ఆన్ సెక్యూరిటీ (CCS) ఆమోదం తెలిపింది. దాదాపు రూ.40,000 కోట్లకు పైగా బడ్జెట్తో చేపడుతున్న ఈ ప్రాజెక్ట్, ఇటీవల కాలంలో డిఫెన్స్ సెక్టార్లో లభించిన అతిపెద్ద క్లియరెన్స్లలో ఒకటిగా నిలిచింది.
ఈ హైటెక్ యుద్ధనౌకల నిర్మాణానికి సంబంధించిన అధికారిక కాంట్రాక్టులు కలకత్తాలోని ప్రముఖ షిప్బిల్డింగ్ సంస్థ ‘గార్డెన్ రీచ్ షిప్బిల్డర్స్ అండ్ ఇంజనీర్స్’ (GRSE), ‘గోవా షిప్యార్డ్ లిమిటెడ్’ (GSL)లతో త్వరలోనే కుదరనున్నాయి. ‘మేక్ ఇన్ ఇండియా’ స్ఫూర్తితో దేశీయంగానే ఇవి రూపుదిద్దుకోనుండటం విశేషం.
Also Read : గాంధీ మనవడి ల్యాండ్ వివాదం.. అమెరికా కోర్టులో గుజరాత్ ట్రస్ట్కు విజయం
నెక్స్ట్-జెన్ కార్వెట్స్ స్పెషాలిటీ ఏంటి?
యుద్ధనౌకల్లో డిస్ట్రాయర్లు, ఫ్రిగేట్ల కంటే సైజులో కాస్త చిన్నవిగా ఉండే కార్వెట్లు… వేగం, యాక్టివ్నెస్లో మాత్రం తిరుగులేనివి. తీరప్రాంత రక్షణ, సరిహద్దుల్లో నిఘా, సముద్రపు పహారా కోసం వీటిని అత్యంత సమర్థవంతంగా వినియోగిస్తారు.
అడ్వాన్స్డ్ స్టెల్త్ డిజైన్: శత్రువుల రాడార్లకు చిక్కకుండా ఉండే అధునాతన స్టెల్త్ టెక్నాలజీతో వీటిని డిజైన్ చేస్తున్నారు.
స్పీడ్ & కెపాసిటీ: దాదాపు 2,000 టన్నుల బరువుండే ఈ నౌకలు గంటకు 30 నాట్ల అత్యధిక వేగంతో దూసుకెళ్లగలవు.
ఆల్ రౌండ్ ఫైరింగ్ పవర్: పరిమాణం చిన్నదైనా అత్యాధునిక సెన్సార్లు, విధ్వంసకర ఆయుధాలను మోసుకెళ్తాయి. గగనతల దాడులను అడ్డుకోవడం, సముద్ర ఉపరితలంలోని శత్రు నౌకలను వేటాడడం, నీటి అడుగున దాగి ఉండే శత్రు సబ్మెరైన్లను ఛేదించడంలో వీటికి తిరుగుండదు.
Also Read : భూటాన్లో హిమానీనదం బ్లాస్ట్.. ఇండియాకు ప్రమాదం.. హైఅలర్ట్!









