
అమెరికా మధ్యంతర ఎన్నికల్లో వేళ ఒక అరుదైన, ఆసక్తికర పరిణామం చోటుచేసుకుంది. క్యాథలిక్ క్రైస్తవుల అత్యున్నత మతగురువు పోప్ లియో-14 అమెరికా ఎన్నికల్లో తన ఓటు హక్కును వినియోగించుకుని సరికొత్త చరిత్ర సృష్టించారు. US ఎన్నికల్లో ఓటు వేసిన మొట్టమొదటి పోప్గా ఆయన రికార్డుకెక్కారు. ఈ విషయాన్ని వాటికన్ మీడియా అధికారికంగా కన్ఫర్మ్ చేసింది.
Also Read : మేడ్ ఇన్ యూఎస్ఏ ఫోన్ లోపల అసలు గుట్టు.. యూట్యూబర్ చేతిలో బట్టబయలైన ట్రంప్ ప్లాన్!
అమెరికాలో నవంబర్ 3న మిడ్టర్మ్ పోలింగ్ జరగనుండగా, పలు రాష్ట్రాల్లో ఇప్పటికే ముందస్తు ఓటింగ్ ప్రారంభమైంది. ఇందులో భాగంగా ఇల్లినోయీ రాష్ట్రంలో కొనసాగుతున్న ముందస్తు పోలింగ్లో పోప్ పాల్గొన్నారు. మెయిల్-ఇన్ బ్యాలెట్ విధానం ద్వారా (పోస్టల్/ఇంటి నుంచే బ్యాలెట్ పంపే పద్ధతి) ఆయన షికాగోలో తన ఓటును రిజిస్టర్ చేసుకున్నారు.
అమెరికాలోని షికాగోలో జన్మించిన రాబర్ట్ ప్రివోస్ట్.. గత ఏడాది మే నెలలో పోప్ లియో-14గా బాధ్యతలు చేపట్టిన సంగతి తెలిసిందే. అమెరికా పౌరుడైన ఆయన, అవకాశం వచ్చిన ప్రతిసారీ తన డెమోక్రటిక్ హక్కును వినియోగించుకుంటూ వస్తున్నారు. గతంలో ఆయన పెరూ దేశంలో సేవలందిస్తున్న సమయంలోనూ అమెరికా ఎన్నికల్లో ఓటు వేశారని వాటికన్ వర్గాలు వెల్లడించాయి.
డెమోక్రసీలో ఓటు వేయడం అనేది కేవలం ఒక చట్టబద్ధమైన హక్కు మాత్రమే కాదు, ప్రతి సిటిజన్ ప్రాథమిక బాధ్యత అని పోప్ లియో-14 బలంగా విశ్వసిస్తారు. ప్రపంచవ్యాప్తంగా ఉన్న కోట్లాది మందికి ఆధ్యాత్మిక మార్గదర్శిగా ఉంటూనే, ఒక బాధ్యతాయుతమైన పౌరుడిగా ప్రజాస్వామ్య ప్రక్రియలో భాగస్వామి కావడం ద్వారా ఆయన ప్రపంచానికి ఒక ఆదర్శవంతమైన సందేశాన్ని అందించారు. ప్రస్తుతం ఈ చారిత్రక పరిణామం అంతర్జాతీయ మీడియాలోనూ, సోషల్ మీడియాలోనూ హాట్ టాపిక్గా మారింది.
Also Read : ఇరాన్పై దాడులకు సిక్రెట్ ప్లాన్.. వైట్ హౌస్లో ట్రంప్కు సైనికాధికారుల షాకింగ్ బ్రీఫింగ్!









