
మీ పిల్లలకు ఫోన్ ఇస్తున్నారా? అయితే ఓ కంట కనిపెట్టండి. మొబైల్లో హర్రర్ సీన్లు, అగ్రెసీవ్ గేమ్స్ ఆడేవాడు. బయట అలాగే ప్రవర్తిస్తాడు. హర్యానాలోని పంచకుల ప్రభుత్వ పాఠశాలలో ఆరేళ్ల బాలికపై జరిగిన దాడి అందుకు సాక్ష్యం. ఒక ప్రభుత్వ పాఠశాలలో ఆరేళ్ల బాలికపై జరిగిన దాడి ఘటన తీవ్ర కలకలం రేపింది. స్కూల్ ప్రిన్సిపాల్ ఆఫీస్లో సీసీటీవీ మానిటరింగ్ ఉన్నప్పటికీ, క్యాంపస్ లోపలే ఇంత ఘోరం ఎలా జరిగింది? సిబ్బంది దీనిని ఎందుకు గమనించలేకపోయారు? అంటూ బాధిత కుటుంబ సభ్యులు స్కూల్ యాజమాన్యాన్ని, సేఫ్టీ మెజర్స్ను తీవ్రంగా ప్రశ్నిస్తున్నారు.
పబ్జీ గేమింగ్ ప్రభావమేనా?
ఈ దాడికి పాల్పడిన మూడో తరగతి బాలుడికి వీడియో గేమ్స్ ఆడే అలవాటు ఉందని బాలిక అంకుల్ ఫాజిల్ ఆరోపించారు. బాలుడి తండ్రి కూడా తన కొడుకు PUBG వంటి అగ్రెసివ్ గేమ్స్ ఆడతాడని అంగీకరించినట్లు తెలిపారు. ఆ గేమింగ్ ఎఫెక్ట్ వల్లే బాలుడు ఈ దారుణానికి ఒడిగట్టాడని ఫ్యామిలీ ఆరోపిస్తోంది.
🚨 Horrifying incident from Panchkula, Haryana!
An 8-year-old boy brutally attacked a 6-year-old girl inside their classroom. He grabbed her by the hair, smashed her head against a desk, kicked her on the floor and repeatedly hit her with a brick. 💔
The little girl is seriously injured and undergoing treatment at PGIMER, Chandigarh.
Both are school students. Just imagine the brutality inside a classroom. How did a brick become a weapon in a place where children are supposed to feel safe?
The police are investigating. The school administration must answer for this shocking incident.
https://t.co/fBGBU6I8pt— Samridhi (@samridhi_i) October 31, 2026
అసలేం జరిగింది?
బాలుడు చిన్నారిని “పిచ్చిది” అని పిలవడంతో ఆమె కంప్లైంట్ చేస్తానని చెప్పింది. దీంతో బాలుడు ఆమెను మాటల్లో పెట్టి, “మీ నాన్న పై అంతస్తులో ఉన్నాడు” అని అబద్ధం చెప్పి మేడపైకి తీసుకెళ్లాడు. ఆ తర్వాత ఆ చిన్నారి తీవ్ర గాయాలతో అపస్మారక స్థితిలో పడి ఉంది. నిందితుడైన బాలుడే స్వయంగా ఆమె ఉన్న చోటును చూపించడం గమనార్హం.
కోలుకుంటున్న చిన్నారి.. రంగంలోకి చైల్డ్ రైట్స్ కమిషన్
ప్రస్తుతం ఆస్పత్రిలో చికిత్స పొందుతున్న చిన్నారి ఆరోగ్యం నిలకడగా ఉందని, డాక్టర్లు నిరంతరం మానిటర్ చేస్తున్నారని కుటుంబ సభ్యులు తెలిపారు. ఈ ఘటనపై స్కూల్ యాజమాన్యంతో పాటు బాలుడిపై వేర్వేరు FIRs నమోదయ్యాయి.
బాధ్యతారాహిత్యంగా వ్యవహరించిన ఇద్దరు జూనియర్ బేసిక్ ట్రైనింగ్ (JBT) టీచర్లు సిమ్రన్జీత్ కౌర్, పూజా రాణిలను హర్యానా ఎడ్యుకేషన్ డిపార్ట్మెంట్ వెంటనే సస్పెండ్ చేసింది. మరోవైపు, హర్యానా స్టేట్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (HSCPCR) ఈ ఉదంతాన్ని సుమోటోగా స్వీకరించి, సమగ్ర రిపోర్ట్ ఇవ్వాలని జిల్లా విద్యాశాఖ అధికారిని ఆదేశించింది. ప్రస్తుతం పోలీసు దర్యాప్తు కొనసాగుతోంది.









