
ఓటర్ల జాబితా నుంచి పేర్లు గల్లంతైన వారికి భారత ఎన్నికల సంఘం గుడ్ న్యూస్ చెప్పింది. స్పెషల్ ఇంటెన్సివ్ రివిజన్ డ్రైవ్లో భాగంగా.. గైర్హాజరు, అడ్రస్ మార్పు, మరణం, డూప్లికేట్ కారణాలతో డ్రాఫ్ట్ లిస్టులో పేర్లు కోల్పోయిన వారికి ఫైనల్ రోల్స్లో చోటు కల్పించేందుకు మరో ఫ్రెష్ అవకాశం ఇచ్చింది.
తెలంగాణ, ఆంధ్రప్రదేశ్ సహా ఢిల్లీ, మహారాష్ట్ర, హరియాణా, జార్ఖండ్, నాగాలాండ్ CEOలకు ఈ మేరకు ఈసీ కీలక ఆదేశాలు జారీ చేసింది. తెలంగాణలోనే ఏకంగా 73 లక్షలకు పైగా ఓటర్లు ఏఎస్డీడీ జాబితాలో ఉండటంతో తాజా నిర్ణయం వారికి భారీ ఊరటనిస్తోంది.
Also Read : జియో సంచలన ప్లాన్.. ఒక్కసారి రీఛార్జ్ చేస్తే 3 సంవత్సరాలు ఫ్రీ.. అన్లిమిటెడ్ బెనిఫిట్స్..!
రూల్స్ సింప్లిఫై చేసిన కమిషన్
గతంలో ఉన్న కఠిన నిబంధనలను సడలిస్తూ ఈసీ సులువైన గైడ్లైన్స్ రిలీజ్ చేసింది:
ఫాం-6 అవసరం లేదు: గతంలో తప్పనిసరి చేసిన Form-6 రూల్ను సడలించారు. ఎన్యూమరేషన్ ఫారంతో పాటు ఓ చిన్న స్టేట్మెంట్ ఇస్తే చాలు.
ఇల్లు మారని వారు: అడ్రస్ మారని ఓటర్లు.. గతంలో ఎన్యూమరేషన్ ఫాం ఎందుకు సబ్మిట్ చేయలేకపోయారో కారణం తెలుపుతూ సంతకం చేసిన ఫారమ్ను ఈఆర్ఓ (ERO) లేదా బీఎల్ఓ (BLO)కు అందిస్తే సరిపోతుంది. ఆన్లైన్లో ‘ఈ-సైన్’ ద్వారా కూడా పంపొచ్చు.
అడ్రస్ మారిన వారికి నో ఫాం-8: రాష్ట్రంలోనే మరో ప్రాంతానికి మారిన వారు Form-8 నింపాల్సిన పనిలేదు. కొత్త అడ్రస్, అసెంబ్లీ నియోజకవర్గం వివరాలతో అడ్రస్ ప్రూఫ్ జతచేసి ఎన్యూమరేషన్ ఫాం సమర్పిస్తే సరిపోతుంది.
ఇళ్లు లేని వారికి మినహాయింపు: ఎలాంటి డాక్యుమెంట్లు లేని హోమ్లెస్ వారికి బీఎల్ఓ ఫీల్డ్ వెరిఫికేషన్ రిపోర్ట్నే రెసిడెన్స్ ప్రూఫ్గా పరిగణిస్తారు.
Also Read : లక్షా నలభై వేల చీరలో.. మిస్ యూనివర్స్ బరిలోకి దిగిన కేరళ కుట్టి
పాత ఎపిక్ నంబరే కేటాయింపు
ఎన్యూమరేషన్ ఫారాలను సంబంధిత వెబ్సైట్ లేదా ECI యాప్ నుంచి డౌన్లోడ్ చేసుకోవచ్చు. అలాగే వాట్సాప్, ఈ-మెయిల్, ఎస్ఎంఎస్ ద్వారా కూడా అధికారులు ఓటర్లను కాంటాక్ట్ చేస్తారు. ఈ దరఖాస్తులను ఈఆర్ఓలు పరిశీలించి ఆమోదించాక, ఓటర్లకు వారి పాత ఎపిక్ (EPIC) నంబర్నే కొనసాగిస్తూ తుది జాబితాలో పేర్లను చేరుస్తారు. ఎలిజిబుల్ ఓటర్లెవరూ ఓటు హక్కు కోల్పోకుండా ఉండటమే లక్ష్యంగా ఈ చర్యలు చేపట్టినట్లు ఈసీ వెల్లడించింది.









