
పాకిస్తాన్లో చైనా సాయంతో నిర్మిస్తున్న ప్రతిష్టాత్మక హైడ్రో ఎలక్ట్రిక్ ప్రాజెక్ట్ అనూహ్య సంక్షోభంలో పడింది. ఖైబర్ పఖ్తూన్ఖ్వాలోని హరిపూర్లో ఉన్న ప్రసిద్ధ తర్బేలా డ్యామ్ ఐదవ విస్తరణ ప్రాజెక్ట్ (T-5) వద్ద భారీ ప్రమాదం చోటుచేసుకుంది. నిర్మాణ పనుల కోసం నీటిని అడ్డుకోవడానికి ఏర్పాటు చేసిన తాత్కాలిక సేఫ్టీ డ్యామ్ అకస్మాత్తుగా కొట్టుకుపోవడంతో, నిర్మాణంలో ఉన్న మెయిన్ టన్నెల్లోకి భారీగా వరద నీరు వచ్చి చేరింది.
టన్నెల్లోకి నీరు ఒక్కసారిగా ముంచెత్తడంతో ప్రాజెక్ట్ సైట్లో తీవ్ర భయాందోళనలు నెలకొన్నాయి. పరిస్థితి విషమించడాన్ని గమనించిన రెస్క్యూ టీమ్స్ వెంటనే రంగంలోకి దిగి, అక్కడ పనిచేస్తున్న చైనీస్ ఇంజనీర్లతో పాటు పాకిస్తానీ వర్కర్లను సురక్షితంగా బయటకు తరలించాయి. ఎవరికీ ఎలాంటి ప్రాణనష్టం జరగకపోవడంతో అంతా ఊపిరి పీల్చుకున్నారు. అయితే ముందుజాగ్రత్త చర్యగా ప్రాజెక్ట్ నిర్మాణ పనులను నిరవధికంగా నిలిపివేశారు.
Also Read : నవంబర్ 13న ప్రళయం తప్పదా? ప్రపంచం అంతం కాబోతోందంటూ 66 ఏళ్ల క్రితమే చెప్పిన సైన్స్.. అసలు నిజం ఏంటి?
NEW: A section of rock collapsed during excavation at Tarbela Dam, breaching the protective bund and flooding Tunnel No. 5. All workers were evacuated, and one swept into the water was rescued. No casualties reported.📍 Haripur, Khyber Pakhtunkhwa, Pakistan. (09, 11, 2026) https://t.co/wR47s7MJwE
— Weather Monitor (@WeatherMonitors) November 9, 2026
ఈ ప్రమాదానికి చైనీస్ కాంట్రాక్టర్ నిర్లక్ష్యమే ప్రధాన కారణమని స్థానిక అధికారులు, సిబ్బంది ఆరోపిస్తున్నారు. దీనిపై సమగ్ర దర్యాప్తు కోసం ఒక హై-లెవల్ ఎంక్వైరీ కమిటీని ఏర్పాటు చేశారు. భద్రతా ప్రమాణాల్లో లోపాలు ఎక్కడ జరిగాయి, సేఫ్టీ డ్యామ్ ఎందుకు తెగిపోయిందనే అంశాలను ఈ కమిటీ తేల్చనుంది.
పాకిస్తాన్ ఎనర్జీ సెక్టార్కు తర్బేలా T-5 ప్రాజెక్ట్ అత్యంత కీలకం. ఇది పూర్తయితే నేషనల్ గ్రిడ్కు అదనంగా 1,410 మెగావాట్ల విద్యుత్ లభిస్తుంది. కానీ ఇప్పుడు టన్నెల్ మొత్తం నీటితో నిండిపోవడంతో, ఆ వాటర్ను బయటకు పంప్ చేసి, డ్యామేజ్ను అసెస్ చేయడానికి చాలా సమయం పట్టేలా ఉంది. దీనివల్ల ప్రాజెక్ట్ డెడ్లైన్ భారీగా ఆలస్యమయ్యే అవకాశం కనిపిస్తోంది.
పాకిస్తాన్లో చైనా నిధులతో నడుస్తున్న ప్రాజెక్టులు ఇబ్బందుల్లో పడటం ఇదే మొదటిసారి కాదు. ఇప్పటికే పలు కీలక ప్రాజెక్టులు భద్రతా సమస్యలు, ఆర్థిక సంక్షోభం మరియు రాజకీయ ఉద్రిక్తతల వల్ల తీవ్ర ఆటంకాలను ఎదుర్కొంటున్నాయి. తాజా ప్రమాదంతో చైనా-పాక్ ప్రాజెక్టుల భద్రత, నాణ్యతపై మరోసారి పెద్ద ఎత్తున ప్రశ్నలు తలెత్తుతున్నాయి.
Also Read : సౌదీ అరేబియాపై హూతీల పంజా.. ఏకంగా 6 టార్గెట్లు.. రియాద్ ఎయిర్పోర్ట్, ఆరామ్కోపై మిస్సైళ్ల వర్షం!









