అతిపెద్ద చిప్ తయారీ సంస్థ ఎన్విడియా సీఈఓ జెన్సన్ హువాంగ్ చైనా గూఢచారిగా ఆరోపణలు ఎదుర్కొంటున్న ఆలిస్ హువాంగ్ వివాదం ప్రపంచ వ్యాప్తంగా సంచలనం సృష్టించిన విషయం తెలిసిందే. ఈ వివాదం కేవలం ఒక వ్యక్తిగత సంబంధానికి మాత్రమే పరిమితం కాకుండా అమెరికా, చైనాల మధ్య నడుస్తున్న చిప్ వార్‌ విషయంలో తీవ్ర సంచలనానికి దారితీసింది. అయితే ఆలిస్ హువాంగ్ సింగపూర్ కేంద్రంగా పనిచేసే ‘మెగాస్పీడ్ ఇంటర్నేషనల్’ అనే డేటా సెంటర్ కంపెనీలో మాజీ సీనియర్ ఎగ్జిక్యూటివ్‌గా వ్యవహరించారు. ఆమె జెన్సన్ హువాంగ్ కుటుంబ సభ్యురాలు కాదు. కేవలం ఇంటిపేరు మాత్రమే ఒక్కటే. అమెరికా నిఘా వర్గాల ప్రకారం ఆమె చైనా ప్రధాన నిఘా సంస్థ ‘మినిస్ట్రీ ఆఫ్ స్టేట్ సెక్యూరిటీ’ ఆదేశాల మేరకు పనిచేస్తున్న గూఢచారి అని అంటున్నారు.

ఆలిస్ హువాంగ్ చైనా పౌరురాలు. మీడియా, బ్యాంకింగ్, ఇన్వెస్ట్‌మెంట్ ఫైనాన్స్ రంగాలలో విస్తృత అనుభవం ఉంది. ప్రారంభంలో చైనా ప్రభుత్వ రంగ మీడియా ఛానెళ్లు అయిన హూనాన్ టీవీ, సీసీటీవీలలో టీవీ రిపోర్టర్‌గా పనిచేశారు. ఆ తర్వాత ఫైనాన్స్ రంగానికి మారి ప్రఖ్యాత హెచ్‌ఎస్‌బీసీ బ్యాంక్ ప్రైవేట్ బ్యాంకింగ్ విభాగానికి ప్రెసిడెంట్ అసిస్టెంట్‌గా బాధ్యతలు నిర్వర్తించారు. ఆపై చైనాకు చెందిన సీఐటీఐసీ సెక్యూరిటీస్‌లో వైస్ ప్రెసిడెంట్‌గా, హెక్సీ క్యాపిటల్ ఫండ్ మేనేజర్‌గా కూడా పనిచేసి చైనా ఆర్థిక, రాజకీయ వర్గాల్లో బలమైన సంబంధాలను ఏర్పరచుకున్నారు.

Also Read : పొగమంచులో 86 వాహనాలు ఢీ.. 12 మంది దుర్మరణం!

2023-2024 ప్రాంతంలో మెగాస్పీడ్ కంపెనీ ఎన్విడియాకు కీలక వ్యాపార భాగస్వామిగా మారే క్రమంలో జెన్సన్ హువాంగ్‌తో ఆలిస్ హువాంగ్‌కు పరిచయం ఏర్పడింది. ఈ పరిచయాన్ని ఆమె జెన్సన్‌తో అనైతిక సంబంధంగా మార్చుకుంది. ఇటీవల జెన్సన్ హువాంగ్ ఎన్విడియా ఉద్యోగులకు లేఖ రాస్తూ ఈ సంబంధాన్ని అంగీకరించడమే కాకుండా.. తన భార్య లోరీ హువాంగ్, పిల్లలకు క్షమాపణలు చెప్పారు. జెన్సన్‌తో ఉన్న ఈ వ్యక్తిగత సాన్నిహిత్యాన్ని ఉపయోగించుకుని అమెరికా నిషేధించిన అత్యంత అధునాతన ఎన్విడియా ఏఐ చిప్‌ల డిజైన్లు, ఉత్పత్తి రోడ్‌మ్యాప్‌లు, వ్యాపార రహస్యాలను ఆమె చైనాకు చేరవేసిందనేది ప్రధాన ఆరోపణ.

అంతేకాకుండా ఈ గూఢచర్యం వెనుక భారీ చిప్‌ల స్మగ్లింగ్ వివాదం కూడా ఉంది. చైనాపై అమెరికా విధించిన కఠినమైన ఎగుమతి నిషేధాలను దాటుకుని.. ఆలిస్ హువాంగ్ మెగాస్పీడ్, ఇతర షెల్ కంపెనీల నెట్‌వర్క్ ద్వారా దాదాపు 2,40,000 ఎన్విడియా ఏఐ చిప్‌లను ఇతర దేశాల మీదుగా అక్రమంగా చైనాకు తరలించడంలో కీలక పాత్ర పోషించిందని అమెరికా నిఘా ఏజెన్సీలు అనుమానిస్తున్నాయి. ప్రస్తుతం ఈ వ్యవహారంపై అమెరికా తనిఖీ సంస్థ ఎఫ్‌బీఐ పూర్తిస్థాయి విచారణ చేపడుతోంది. ఈ హనీట్రాప్ కుట్ర వల్ల ఎన్విడియా మార్కెట్ విలువ భారీగా పడిపోవడమే కాక.. జెన్సన్ హువాంగ్ వ్యక్తిగత, కుటుంబ జీవితం తీవ్ర సంక్షోభంలో పడింది.

Also Read : మళ్లీ మొదలైన టెన్షన్.. ఎవరికీ అంతుచిక్కని కరోనా కొత్త సైలెంట్ మహమ్మారి.. WHO స్ట్రాంగ్ వార్నింగ్!