Telangana IPS Transfers
Telangana IPS Transfers

తెలంగాణ సర్కార్ రాష్ట్రంలోని వివిధ హోదాల్లో పనిచేస్తున్న 21 మంది IPS లను బదిలీ చేస్తూ కీలక ఉత్తర్వులు జారీ చేసింది. ఈ లిస్టులో హైదరాబాద్ పోలీస్ కమిషనర్‌గా ఉన్న సజ్జనార్ పేరు సైతం ఉండటం గమనార్హం. సజ్జనార్‌ను హైదరాబాద్‌ సీపీ బాధ్యతల నుంచి తప్పించి ఫైర్‌, డిజాస్టర్‌ రెస్పాన్స్‌ డీజీగా ప్రభుత్వం నియమించింది. ఆయన స్థానంలో మహేశ్‌ భగవత్‌ను కొత్త సీపీగా నియమిస్తూ రాష్ట్ర ప్రభుత్వ ప్రధాన కార్యదర్శి సంజయ్‌ జాజు ఉత్తర్వులు జారీ చేశారు.

Also Read : పాత పార్టీ పేర్లకు ఫుల్ డిమాండ్.. కవిత బాటలో విజయసాయి రెడ్డి

IPS ల బదిలీల లిస్టు

హైదరాబాద్‌ సీపీగా మహేష్‌ భగవత్‌
ఫైర్& డిజాస్టర్‌ రెస్పాన్స్‌ డీజీగా వీసీ సజ్జనార్
ఏసీబీ డీజీగా చారుసిన్హా
ఆర్టీసీ ఎండీగా అనిల్‌కుమార్‌
పౌర సరఫరాలశాఖ కమిషనర్‌గా నాగిరెడ్డి
ఉమెన్ అండ్ సేఫ్టీ డీజీపీగా సౌమ్య మిశ్రా
స్వాతి లక్రాకు డీజీపీ ప్రిజన్స్ బాధ్యతలు
గ్రేహౌండ్స్, ఆక్టోపస్ డీజీపీగా విక్రమ్‌సింగ్ మాన్
TG-TMARS డైరెక్టర్‌గా స్టీఫెన్ రవీంద్ర
TG-TMARS జాయింట్ డైరెక్టర్‌గా జోయల్ డేవిస్
లా అండ్ ఆర్డర్‌ అడిషనల్ డీజీపీగా అకున్ సబర్వాల్-
సంజయ్‌కుమార్‌ జైన్‌కు ADGP ట్రైనింగ్అదనపు బాధ్యతలు
TG-TMARS డిప్యూటీ డైరెక్టర్‌గా బాలాదేవి
ఏసీబీ డైరెక్టర్‌గా ఎస్.చంద్రశేఖర్‌రెడ్డి
కార్తికేయకు ఐజీపీ మల్టీ జోన్-1 బాధ్యతలు
కె.రమేష్ నాయుడుకు ఐజీపీ రైల్వేస్‌ బాధ్యతలు
చందన దీప్తికి గద్వాల డీఐజీ జోన్-7 అదనపు బాధ్యతలు
డీఐజీ ఇంటెలిజెన్స్‌గా ఆర్.భాస్కరన్
నారాయణనాయక్‌కు బాసర డీఐజీ జోన్-2 అదనపు బాధ్యతలు
ఎల్.ఎస్. చౌహాన్‌కు డీఐజీ కోఆర్డినేషన్‌ బాధ్యతలు
వి.అరవిందబాబు-హైదరాబాద్ డీసీపీ SM&IT

Also Read : చలికాలంలో వణుకు పుట్టిస్తున్న జలుబు, దగ్గు?.. ఈ సింపుల్ చిట్కాలతో ఇట్టే చెక్ పెట్టండి!

సజ్జనార్‌ ట్రాక్ రికార్డు ఇదే

సజ్జనార్‌ 24 అక్టోబర్‌ 1968న జన్మించారు. ఆయన 1996 బ్యాచ్‌కు చెందిన ఐపీఎస్‌ అధికారి. ఉమ్మడి వరంగల్ జిల్లా లోని జ‌న‌గామ ఏఎస్పీగా త‌న కెరీర్‌ను ప్రారంభించారు. అనంతరం పులివెందులలో పనిచేశారు. నల్గొండ, కడప, గుంటూరు, వరంగల్‌, మెదక్‌ జిల్లాలకు ఎస్పీగా పనిచేశారు. సీఐడీ ఆర్థిక నేరాల విభాగం, ఆక్టోపస్‌, ఆరో బెటాలియన్‌ కమాండెంట్‌గా బాధ్యతలు నిర్వహించారు. ఇంటెలిజెన్స్‌ విభాగంలో డీఐజీ, ఐజీగా పనిచేశారు. 2018 నుంచి 2021 వరకు సైబరాబాద్‌ పోలీస్‌ కమిషనర్‌గా ఉన్నారు. 2021 సెప్టెంబర్‌లో టీఎస్‌ఆర్టీసీ ఎండీగా బాధ్యతలు చేపట్టారు. 2025 సెప్టెంబర్‌ 30న హైదరాబాద్‌ పోలీస్‌ కమిషనర్‌గా బాధ్యతలు స్వీకరించారు. ఆయన సేవలకు 2004లో పోలీస్‌ అంతర్గత భద్రతా పతకం, 2014లో మెరిటోరియస్‌ సర్వీస్‌ పోలీస్‌ మెడల్‌ లభించాయి.