
టీవీఎస్ మోటార్ తన కొత్త Electric Maxi Scooter M1-Sను పరిచయం చేసింది. కంపెనీ గత సంవత్సరం ఈ స్కూటర్ కాన్సెప్ట్ మోడల్ను చూపించగా.. ఈసారి దాని ప్రొడక్షన్ వెర్షన్ను ఆవిష్కరించింది. TVS M1-Sలో 4.2kWh బ్యాటరీ ఉంది. ఇది సుమారు 120 కిలోమీటర్ల మైలేజీని అందిస్తుంది. ఇది గంటకు 105 కిలోమీటర్ల గరిష్ట వేగంతో పరుగులు పెడుతుంది. ఈ స్కూటర్లో 7-అంగుళాల TFT డిస్ప్లే, 26 లీటర్ల స్టోరేజ్, అనేక కనెక్టెడ్ ఫీచర్లు ఉన్నాయి.
TVS M1-S ఒక మ్యాక్సీ-స్కూటర్ లాంటి డిజైన్ను కలిగి ఉంది. దీనికి పెద్ద ఫ్రంట్ ఆప్రాన్, LED లైట్లు, పెద్ద విండ్స్క్రీన్, దృఢమైన బాడీ ప్యానెల్స్ అందించారు. ఈ స్కూటర్లో పొడవైన, విశాలమైన సీటు ఉంది. దీని బరువు 150 కిలోలు కాగా.. 800mm సీటు ఎత్తు, 170mm గ్రౌండ్ క్లియరెన్స్ ఉంది. అంతేకాకుండా TVS M1-S లో 4.2kWh లిథియం-అయాన్ NMC బ్యాటరీని అమర్చారు.
Electric mobility, with more room for possibilities.
The TVS M1-S brings the comfort of a maxi scooter together with smart connectivity and everyday practicality. Showcased at EICMA 2026, it marks another step in our journey to develop mobility solutions for evolving global needs.
#TVSMotorCompany #TVSM1S #EICMA2026 #ShiftToPass
— TVS Motor Company (@tvsmotorcompany) November 8, 2026
ఈ బ్యాటరీని ఒక్కసారి పూర్తిగా ఛార్జ్ చేస్తే సుమారు 120 కిలోమీటర్ల మైలేజీ వస్తుంది. ఇది 12.5kW పీక్ పవర్ను, 5kW నిరంతర పవర్ను ప్రొడ్యూస్ చేస్తుంది. ఇది కేవలం 3.7 సెకన్లలో 0 నుండి 50 కిలోమీటర్ల/గంట వేగాన్ని అందుకోగలదని కంపెనీ పేర్కొంది. ఛార్జింగ్ కోసం.. ఇందులో 1.8kW ఆన్బోర్డ్ ఛార్జర్ అందించారు. కంపెనీ ప్రకారం.. బ్యాటరీ 10 నుండి 80 శాతం వరకు ఛార్జ్ అవ్వడానికి సుమారు 75 నిమిషాలు పడుతుంది.
అంతేకాకుండా ఈ TVS M1-S లో 7-అంగుళాల TFT ఇన్స్ట్రుమెంట్ క్లస్టర్ అందించారు. ఇది బ్లూటూత్, వై-ఫై, అంతర్నిర్మిత LTE కనెక్టివిటీని అందిస్తుంది. దీనివల్ల స్కూటర్ స్మార్ట్ఫోన్ యాప్కు కనెక్ట్ అవుతుంది. ఇది యాప్ ద్వారా OTA అప్డేట్లు, ఫైండ్ మై బైక్, కీ-ఫాబ్ ఇగ్నిషన్, సీట్ అన్లాకింగ్ వంటి ఫీచర్లను కూడా అందిస్తుంది. ఈ స్కూటర్లో క్రూజ్ కంట్రోల్, టైర్ ప్రెజర్ మానిటరింగ్ సిస్టమ్ కూడా ఉన్నాయి. స్కూటర్ ముందు భాగంలో గ్లోవ్బాక్స్, USB టైప్-A ఛార్జింగ్ పోర్ట్ కూడా అందించారు.









