కృత్రిమ మేధస్సు, సెమీ కండక్టర్ల విభాగంలో అగ్రగామిగా కొనసాగుతున్న ఎన్వీడియా సంస్థ సీఈవో జెన్సన్ హువాంగ్ వివాహేతర సంబంధం తీవ్ర వివాదానికి దారి తీసిన విషయం తెలిసిందే. జెన్సన్ హువాంగ్‌కు చైనాకు చెందిన ఒక గూఢచారిణితో వివాహేతర సంబంధం ఉండటంతో అతను ఇప్పటికే తన సీఈఓ పదవికి రాజీనామా చేశారు. అయితే ఇప్పుడు ఇంకో సంచలన విషయం వెలుగులోకి వచ్చింది. చైనా గూఢచారి అలిస్ హువాంగ్‌ను జెన్సన్ హువాంగ్‌కు పరిచయం చేసింది మరెవరో కాదు.. స్వయంగా ఆమె భర్త కాంగ్ వీ అని తెలుస్తోంది.

Also Read : ఎన్వీడియా మాజీ సీఈవో జెన్సన్ హువాంగ్ మూడు అఫైర్స్ స్టోరీ.. ఆ ముగ్గురు మహిళలు ఎవరంటే?

అలిస్ హువాంగ్ భర్త కాంగ్ వీ చైనాలో ఒక ప్రముఖ వ్యాపారవేత్తగా కొనసాగుతున్నారు. ఆయనకు ఎన్‌విడియా సీఈవో జెన్సన్ హువాంగ్‌తో గత దశాబ్ద కాలంగా మంచి పరిచయం, వ్యాపార సంబంధాలు ఉన్నాయి. ఈ పరిచయం ద్వారానే కాంగ్ వీ తన భార్య అలిస్ హువాంగ్‌ను జెన్సన్‌కు పరిచయం చేసినట్లు తెలుస్తోంది. అయితే ఆ పరిచయం కాస్తా కాలక్రమేణా జెన్సన్, అలిస్ మధ్య వివాహేతర సంబంధానికి దారితీసింది. ఇందులో ఇంకో ట్విస్ట్ ఏంటంటే తన భార్యకు జెన్సన్ హువాంగ్‌తో సాన్నిహిత్యం ఉన్న విషయం కాంగ్ వీకి పూర్తిగా తెలుసు. అయినప్పటికీ ఆయన ఎక్కడా బయటపడకుండా దాదాపు రెండేళ్ల పాటు అంతా మౌనంగా భరించారని సమాచారం.

అంతేకాకుండా తన భార్య అలిస్, జెన్సన్ హువాంగ్ మధ్య ఉన్న సంబంధం గురించి కాంగ్ వీ తన సన్నిహితులు, సహచరుల వద్ద ఎంతో తేలికగా తీసుకున్నట్లు వ్యవహరించేవారని తెలుస్తోంది. తోటి వ్యాపారవేత్తలతో మాట్లాడేటప్పుడు అలిస్‌ను జెన్సన్ హువాంగ్‌కు పర్సనల్ అసిస్టెంట్ అంటూ కాంగ్ వీ సరదాగా జోకులు వేసేవారని సమాచారం. గత పదేళ్ల కాలంలో అలిస్ హువాంగ్, కాంగ్ వీ దంపతులు కలిసి చైనాతో పాటు అంతర్జాతీయ స్థాయిలో ఎంతో విస్తృతమైన వ్యాపార నెట్‌వర్క్‌ను నిర్మించుకున్నారు. తమ వ్యాపార ప్రయోజనాల కోసమే కాంగ్ వీ తన భార్య, జెన్సన్ మధ్య ఉన్న సంబంధాన్ని చూసి చూడనట్లు వదిలేశారా అన్న అనుమానాలు ఇప్పుడు వ్యక్తమవుతున్నాయి.

మరోవైపు ఈ వ్యవహారాన్ని అమెరికా నిఘా, భద్రతా అధికారులు అత్యంత తీవ్రంగా పరిగణిస్తున్నారు. ప్రపంచవ్యాప్తంగా సెమీ కండక్టర్ల పరిశ్రమలో తిరుగులేని దిగ్గజంగా ఎదిగిన ఎన్వీడియా సంస్థ అధిపతి జెన్సన్ హువాంగ్‌కు, అలిస్ హువాంగ్‌కు మధ్య ఉన్న అత్యంత సన్నిహిత సంబంధాన్ని చైనా నిఘా సంస్థలు తమకు అనుకూలంగా మలుచుకున్నాయని అమెరికా అధికారులు బలంగా అనుమానిస్తున్నారు. కీలకమైన సాంకేతిక సమాచారాన్ని రాబట్టేందుకే చైనా నిఘా వర్గాలు అలిస్ హువాంగ్‌ను తమ ఏజెంట్‌గా నియమించుకుని ఉండవచ్చని వారు భావిస్తున్నారు. ఈ పరిణామాలు అమెరికా-చైనా సాంకేతిక యుద్ధంలో కొత్త ఉద్రిక్తతలకు దారితీసే అవకాశం కనిపిస్తోంది.

Also Read : అవుట్‌లుక్, టీమ్స్ డౌన్.. మైక్రోసాఫ్ట్ సేవలు బంద్‌.. షాక్‌లో యూజర్లు!