bank jobs 2026
bank jobs 2026

బ్యాంక్ ఉద్యోగాల కోసం ఎప్పట్నుంచో ఎదురుచూస్తున్న నిరుద్యోగులకు బ్యాంక్ ఆఫ్ బరోడా గుడ్ న్యూస్ అందించింది. ఇందులో భాగంగా 837 ఖాళీల భర్తీకి భారీ నోటిఫికేషన్ రిలీజ్ చేసింది. ఈ పోస్టులను బ్యాంకుకు చెందిన వెల్త్ మేనేజ్‌మెంట్ సర్వీసెస్ విభాగంలో ఒప్పందం ప్రాతిపదికన భర్తీ చేయనున్నారు. ఆసక్తి, అర్హత గల అభ్యర్థులు నవంబర్ 24వ తేదీ లోపు ఆన్‌లైన్‌ ద్వారా అప్లై చేసుకోవాలి. ఇప్పుడు ఈ నోటిఫికేషన్‌కు సంబంధించిన పోస్టుల వివరాలు, అర్హతలు, వయస్సు, ఫీజు, ఇతర వివరాల గురించి పూర్తిగా తెలుసుకుందాం.

Also Read : మైక్రోసాఫ్ట్ సేవలు డౌన్.. లక్షల మందికి ఇబ్బందులు.. అసలు ఏం జరిగింది?

పోస్టుల వివరాలు

మొత్తం పోస్టుల సంఖ్య – 837

సీనియర్ రిలేషన్‌షిప్ మేనేజర్ – డిప్యూటీ మేనేజర్: 791
టెరిటరీ హెడ్ – అసిస్టెంట్ వైస్ ప్రెసిడెంట్-I : 35
గ్రూప్ హెడ్ – అసిస్టెంట్ వైస్ ప్రెసిడెంట్-II : 8
ఇన్వెస్ట్‌మెంట్ ప్రొడక్ట్ మేనేజర్ – అసిస్టెంట్ వైస్ ప్రెసిడెంట్-I : 2
హెడ్ ఇన్వెస్ట్‌మెంట్ – అసిస్టెంట్ వైస్ ప్రెసిడెంట్-II : 1

అర్హతలు:

గుర్తింపు పొందిన యూనివర్సిటీ నుంచి ఏదైన విభాగంలో డిగ్రీ పూర్తి చేసి ఉండాలి. పోస్టును బట్టి కూడా అర్హతలు నిర్ణయించారు. వీటిలో మేనేజ్‌మెంట్‌లో పీజీ డిగ్రీ లేదా డిప్లొమా ఉండాలి. అలాగే MBA (ఫైనాన్స్/మార్కెటింగ్/బ్యాంకింగ్), చార్టర్డ్ ఫైనాన్షియల్ అనలిస్ట్, సర్టిఫైడ్ ఫైనాన్షియల్ ప్లానర్ వంటి అర్హతలకు ప్రాధాన్యత ఇస్తారు.

మరికొన్ని పోస్టులకు NISM, IRDAI డాక్యుమెంట్స్ తప్పనిసరి చేశారు. ఇవి మాత్రమే కాకుండా ఇన్వెస్ట్‌మెంట్ అడ్వైజరీ, వెల్త్ మేనేజ్‌మెంట్, బ్యాంకింగ్, పోర్ట్‌ఫోలియో మేనేజ్‌మెంట్, బ్రోకింగ్ లేదా ఆర్థిక సేవల రంగాల్లో పోస్టును బట్టి 3 నుంచి 12 ఏళ్ల వరకు వర్క్ ఎక్స్‌పీరియన్స్ ఉండాలి.

వయస్సు:

పోస్టును బట్టి గరిష్ఠ వయోపరిమితి నవంబర్ 1, 2026 నాటికి 50 ఏళ్లు ఉండాలి. అర్హత కలిగిన అభ్యర్థులు బ్యాంక్ ఆఫ్ బరోడా అధికారిక వెబ్‌సైట్‌ను సందర్శించి అప్లై చేసుకోవాలి.

ఫీజు:

జనరల్, EWS, OBC అభ్యర్థులు రూ.850గా నిర్ణయించారు.
SC, ST, PWD, మహిళలు, ఎక్స్‌సర్వీస్‌మెన్ అభ్యర్థులకు రూ.175 ఫీజు చెల్లించాల్సి ఉంటుంది.

ముఖ్యమైన తేదీలు:

ఆన్‌లైన్ ప్రారంభం: నవంబర్‌ 4, 2026.
అప్లై చేసుకోవడానికి చివరి తేదీ: నవంబర్‌ 24, 2026.

Also Read : రైల్వే శాఖ గుడ్ న్యూస్.. త్వరలో RAC రద్దు!