Ramya Krishna Divorce
Ramya Krishna Divorce

సినీ ఇండస్ట్రీలో పెళ్లి, విడాకులు సర్వసాధారణం. ఇప్పటికి ఎంతోమంది సినీ స్టార్స్ తమ వైవాహిక బంధానికి స్వస్తిపలికారు. ఇటీవలే పవన్ కల్యాణ్ సైతం తన భార్య అన్నా కొణిదెలకు విడాకులు ఇచ్చారు. ఇప్పుడు మరో జంట తమ పెళ్లి బంధానికి చెక్ పెట్టినట్లు వార్తలు చక్కర్లు కొడుతున్నాయి. సీనియర్ నటి రమ్యకృష్ణ, దర్శకుడు కృష్ణవంశీ విడాకులు తీసుకున్నారని గత కొంతకాలంగా ప్రచారాలు జరుగుతున్నాయి.

వీరిద్దరూ మనస్పర్థాల వల్లే వేర్వేరుగా ఉంటున్నారనే వార్తలు వైరల్ కావడంతో ఈ విషయంపై నటి రమ్యకృష్ణ తాజాగా ఓ ఇంటర్వ్యూలో స్పందించారు. ఈ మేరకు అందరి మైండ్‌లో ఉన్న ఊహాగానాలకు ఆమె క్లారిటీ ఇచ్చారు. తాము నూటికి నూరు శాతం భార్యాభర్తలమేనని.. తమ వైవాహిక బంధం ఎంతో బలంగా ఉందని ఆమె కుండబద్దలు కొట్టారు. అంతేకాకుండా తన భర్త కృష్ణవంశీ హైదరాబాద్‌లో, తాను చెన్నైలో వేర్వేరుగా ఉండటానికి గల అసలు కారణాన్ని రమ్యకృష్ణ వివరించారు.
గతంలో తాను హైదరాబాద్‌లో ఉన్నప్పుడు.. టీవీ సీరియల్స్ నిర్మాణ పనుల కోసం ఎప్పటికప్పుడు చెన్నై వెళ్లాల్సి వచ్చేదన్నారు.

ఆ సమయంలో తెలంగాణ ఉద్యమం, బంద్‌ల వల్ల కొడుకు రిత్విక్ చదువుకు ఆటంకం కలిగేదని తెలిపారు. అంతేకాకుండా తాను ఊరు వెళ్లినప్పుడల్లా బాబు అనారోగ్యానికి గురయ్యేవాడని గుర్తుచేసుకున్నారు. దీంతో తన భర్త అంగీకారంతోనే కొడుకును చెన్నైలోని స్కూల్‌లో చేర్పించి.. తాను అక్కడే స్థిరపడినట్లు చెప్పుకొచ్చారు. ఇలా వేర్వేరుగా ఉండటం వల్ల ఇద్దరికీ కావాల్సినంత వ్యక్తిగత సమయం దొరికేదని, దీంతో తమ మధ్య బంధం మరింత బలపడిందని ఆమె అభిప్రాయపడ్డారు. ఇప్పుడు ఎలాంటి గొడవలు లేకుండా.. ఇద్దరం మంచి స్నేహితుల్లా ఎంతో సంతోషంగా ఉంటున్నామని చెప్పారు.