
రాబోయే దశాబ్దాల్లో ప్రపంచ జనాభా సమీకరణాలు భారీగా మారబోతున్నాయి. ప్రముఖ పరిశోధనా సంస్థ ప్యూ రీసెర్చ్ సెంటర్ విడుదల చేసిన తాజా స్టడీ ప్రకారం, 2035 నాటికి క్రైస్తవ మతాన్ని అధిగమించి ఇస్లాం ప్రపంచంలోనే అతిపెద్ద మతంగా అవతరించనుంది.
Also Read : ఒకే వేదికపై ట్రంప్, జిన్పింగ్, పుతిన్.. షెన్జెన్లో చారిత్రక త్రైపాక్షిక భేటీ!
ఈ మార్పుకు అసలు కారణం ఏంటి?
మత మార్పిడుల కంటే కూడా ముస్లింలలో అధిక సంతానోత్పత్తి రేటు ఉండటమే ఈ వృద్ధికి ప్రధాన కారణమని ప్యూ సీనియర్ డెమోగ్రాఫర్ కాన్రాడ్ హాకెట్ స్పష్టం చేశారు. 2020-2025 మధ్య ప్రతి ముస్లిం మహిళ సగటున 3.1 మంది పిల్లలకు జన్మనివ్వగా, క్రిస్టియన్ మహిళల్లో ఈ రేటు 2.5 గా ఉంది. 2020లో 227 కోట్ల మంది క్రిస్టియన్లు, 202 కోట్ల మంది ముస్లింలు ఉండగా.. 2035 నాటికి ముస్లింల సంఖ్య 257 కోట్లకు, క్రిస్టియన్ల సంఖ్య 252 కోట్లకు చేరుకుంటుందని అంచనా.
Also Read : గొడ్డలితో రూ.560 కోట్ల మిలిటరీ విమానం ధ్వంసం
2070 నాటికి గ్లోబల్ పిక్చర్ ఎలా ఉండబోతోంది?
టాప్ దేశాలు: ప్రస్తుత ట్రెండ్ కొనసాగితే 2070 నాటికి ప్రపంచంలోనే అత్యధిక ముస్లిం జనాభా కలిగిన దేశంగా పాకిస్థాన్ నిలుస్తుంది. ఆ తర్వాత స్థానాల్లో ఇండియా, నైజీరియా, ఇండోనేషియా ఉంటాయి.
వెస్ట్రన్ దేశాల్లో మార్పులు: అమెరికాలో 2065 నాటికి, కెనడాలో 2030 నాటికి క్రిస్టియన్లు మెజారిటీ కోల్పోనున్నారు. ఆయా దేశాల్లో ఏ మతాన్నీ అనుసరించని వారి సంఖ్య వేగంగా పెరుగుతోంది.
ఆఫ్రికా కీలకం: ప్రపంచ జనాభా వృద్ధిలో ఎక్కువ భాగం సబ్-సహారా ఆఫ్రికాలోనే జరగనుంది. 2070 నాటికి ప్రపంచంలోని సగం మంది క్రిస్టియన్లు ఇక్కడే నివసిస్తారు. అమెరికాను దాటి కాంగో అత్యధిక క్రిస్టియన్ జనాభా ఉన్న దేశంగా మారుతుంది.
ఇక హిందువులు, యూదుల జనాభా పెరిగినప్పటికీ ప్రపంచ జనాభాలో వారి శాతం కొంత తగ్గనుంది. చైనా, జపాన్ వంటి దేశాల్లో జనాభా తగ్గుదల వల్ల బౌద్ధుల సంఖ్య కూడా క్షీణించనుంది. అయితే, ఈ జనాభా మార్పులను మతాల మధ్య ఘర్షణగా కాకుండా, పరస్పర అవగాహన పెంచుకునే అవకాశంగా చూడాలని నిపుణులు సూచిస్తున్నారు.









