
PM Modi : ఉత్తరప్రదేశ్లో రాబోయే అసెంబ్లీ ఎన్నికలకు సెమీఫైనల్స్గా భావిస్తున్న 11 MLC స్థానాల ఎన్నికల ఫలితాలు తీవ్ర ఉత్కంఠ రేపుతున్నాయి. అధికార బీజేపీ, ప్రధాన ప్రతిపక్షం సమాజ్వాదీ పార్టీల మధ్య నెక్-టు-నెక్ ఫైట్ నడుస్తోంది. ఇప్పటివరకు ఫలితాలు వెలువడిన 8 స్థానాల్లో బీజేపీ 5 చోట్ల విజయం సాధించగా, ఎస్పీ 3 కీలక స్థానాలను కైవసం చేసుకుంది. మిగిలిన 3 స్థానాల్లో కౌంటింగ్ కొనసాగుతుండగా, అందులో ఎస్పీ 2, బీజేపీ 1 స్థానంలో లీడింగ్లో ఉన్నాయి.
Also Read : కేంద్ర ప్రభుత్వ ఉద్యోగులకు గుడ్ న్యూస్: DA 3 శాతం పెంపు
ఈ ఫలితాల్లో ప్రధాని మోదీ లోక్సభ నియోజకవర్గమైన వారణాసిలో బీజేపీకి ఊహించని షాక్ తగిలింది. వారణాసి టీచర్స్ స్థానంలో సిట్టింగ్ ఎమ్మెల్సీ, ఎస్పీ అభ్యర్థి లాల్ బిహారీ యాదవ్ తన సీటును నిలబెట్టుకున్నారు. బీజేపీ అభ్యర్థి ప్రమోద్ మిశ్రాపై ఆయన సుమారు 4,900 ఓట్ల మెజారిటీతో విజయం సాధించారు. అంతేకాదు, వారణాసి గ్రాడ్యుయేట్ స్థానంలోనూ ఎస్పీ ముందంజలో ఉంది. ఆగ్రా టీచర్స్ స్థానంలో ఎస్పీ అభ్యర్థి డాక్టర్ ఆకాశ్ అగర్వాల్.. బీజేపీకి చెందిన హరి కిషోర్ తివారీపై గెలుపొందారు. ఝాన్సీ గ్రాడ్యుయేట్ స్థానాన్ని కూడా ఎస్పీ తన ఖాతాలో వేసుకుంది. లక్నో గ్రాడ్యుయేట్ స్థానంలోనూ సమాజ్వాదీ పార్టీ లీడ్లో కొనసాగుతోంది.
మరోవైపు, బీజేపీ సైతం గట్టి పోటీనిస్తూ మీరట్ గ్రాడ్యుయేట్, మీరట్ టీచర్స్, లక్నో టీచర్స్, బరేలీ-మొరాదాబాద్ టీచర్స్, ఆగ్రా గ్రాడ్యుయేట్ స్థానాలను దక్కించుకుంది. మీరట్లో రెండు స్థానాలనూ గెలుచుకుని క్లీన్స్వీప్ చేసింది. బరేలీ-మొరాదాబాద్ టీచర్స్ స్థానంలో బీజేపీ క్యాండిడేట్ హరి సింగ్ ధిల్లాన్ 17,676 ఓట్ల భారీ మెజారిటీతో ఘనవిజయం సాధించారు. ఇక సీఎం యోగి ఆదిత్యనాథ్ ఇలాకా గోరఖ్పూర్లో తొలుత వెనుకంజలో ఉన్నప్పటికీ, ప్రస్తుతం బీజేపీ ఆధిక్యంలోకి దూసుకొచ్చింది.
ఇదే సమయంలో ఆగ్రా ఫలితాల అనంతరం తీవ్ర ఉద్రిక్తత నెలకొంది. విజయం సాధించిన తమ అభ్యర్థి డాక్టర్ ఆకాశ్ అగర్వాల్పై బీజేపీ శ్రేణులు దాడి చేశాయని ఎస్పీ ఆరోపించింది. చిరిగిన కుర్తాతో ఉన్న ఆకాశ్ అగర్వాల్ వీడియోను ఎస్పీ చీఫ్ అఖిలేష్ యాదవ్ Xలో షేర్ చేస్తూ.. గెలిచిన తమ అభ్యర్థికి అధికారులు వెంటనే ఎలక్షన్ సర్టిఫికెట్ ఇవ్వాలని, ఈ దాడికి బీజేపీ సమాధానం చెప్పాలని ఆగ్రహం వ్యక్తం చేశారు.
Also Read : కర్ణాటక MLC ఎన్నికల్లో కాంగ్రెస్కు ఊహించని షాక్.. NDA క్లీన్ స్వీప్









