India Riots : ఫ్రాన్స్, ఇండియాలో ప్రభుత్వాలకు వ్యతిరేకంగా జరుగుతున్న నిరసనల్లో అంతర్జాతీయ కుట్ర ఉందని వార్తలు వస్తున్నాయి. ఫ్రాన్స్‌ అల్లర్లు, భారత్‌లో CEC జ్ఞానేశ్ కుమార్ రాజీనామా డిమాండ్‌తో జరుగుతున్న నిరసనలకు మధ్య బలమైన సంబంధాలు ఉన్నాయంటూ ‘ఫాక్స్ న్యూస్’ ఒక సంచలన పరిశోధనాత్మక కథనాన్ని వెల్లడించింది. ప్రపంచవ్యాప్తంగా 9 దేశాల్లోని 101 సంస్థలు ఒక గొడుగు కింద చేరి ఈ ఆందోళనలను ప్లాన్ చేస్తూ, ప్రచారం చేస్తున్నాయని ఆరోపించింది.

Also Read : నెతన్యాహుకు అగ్నిపరీక్ష.. యుద్ధ భయంలో ఇజ్రాయెల్ ఎన్నికలు

సీనియర్ ఎడిటర్ అస్రా నోమానీ సిద్ధం చేసిన ‘Global Chaos Inc Grows to 101 Groups’ అనే నివేదిక ప్రకారం.. ఈ నెట్‌వర్క్‌ను “రెడ్-గ్రీన్ ప్రొటెస్ట్ ఎకోసిస్టమ్”గా పేర్కొన్నారు. కమ్యూనిస్టు, ఇస్లామిస్ట్ భావజాలాలు కలిగిన గ్రూపులతో పాటు కొన్ని కార్మిక, విద్యార్థి సంఘాలు, మీడియా సంస్థలు ఇందులో భాగస్వామ్యంగా ఉన్నాయని తేలింది. ఈ నెట్‌వర్క్ ఫ్రాన్స్, భారత్‌తో పాటు అమెరికా, యూకే, బ్రెజిల్, గ్రీస్ వంటి దేశాల్లోనూ విస్తరించి సమాజంలో అస్థిరతను సృష్టించేందుకు ప్రయత్నిస్తున్నట్లు సమాచారం.

ముఖ్యంగా పారిస్ కేంద్రంగా పనిచేసే ‘ఇండియన్ అలయన్స్ పారిస్’ (IAP) అనే సంస్థ భారత్‌లోని ఆందోళనలకు, ఫ్రాన్స్ నిరసనలకు వారధిగా నిలిచిందని కథనం వివరించింది. న్యూయార్క్‌కు చెందిన ‘పీపుల్స్ ఫోరం’, అలాగే ‘ప్రొగ్రెసివ్ ఇంటర్నేషనల్’ (PI) వంటి సంస్థలు ఈ ప్రచారాన్ని అంతర్జాతీయ వేదికలపైకి తీసుకెళ్తున్నాయి. దీని వెనుక చైనా అనుకూల టెక్ వ్యాపారవేత్త నెవిల్ రాయ్ సింగమ్, ఆయన భార్య జోడీ ఇవాన్స్‌ల హస్తం, నిధులు ఉన్నట్లు నివేదిక స్పష్టం చేసింది.

ఇలాంటి పరిస్థితుల్లో అంతర్జాతీయంగా క్రూడ్ ఆయిల్ మార్కెట్ హెచ్చుతగ్గులకు లోనవుతున్నప్పటికీ, భారత్‌లో చమురు ధరలు తగ్గుముఖం పట్టడం ఆర్థికంగా ఊరటనిచ్చే అంశం. ఒకవైపు దేశంలో వ్యవస్థలను బలహీనపరిచేందుకు అంతర్జాతీయ నెట్‌వర్క్‌లు శ్రమిస్తున్న సమయంలో, చమురు ధరల తగ్గుదల దేశీయ వినియోగదారులకు, మార్కెట్‌కు స్థిరత్వాన్ని ఇస్తోంది.

Also Read : జియో సంచలనం.. ఐపీఓ మొదలైన కొన్ని నిమిషాల్లోనే వంద శాతం సబ్‌స్క్రిప్షన్.. స్టాక్ మార్కెట్‌లో రికార్డ్!