అమెరికా రాజధాని వాషింగ్టన్ డీసీలో భారీ విధ్వంసం సృష్టించేందుకు ఇరాన్ సంచలన ప్లాన్ వేసినట్లు ఇంటెలిజెన్స్ వర్గాలు హెచ్చరించాయి. ట్రంప్ క్యాబినెట్ సభ్యులు, కీలక అధికారులే టార్గెట్‌గా ‘డర్టీ బాంబ్'(Dirty Bomb) లేదా రసాయనిక ఆయుధంతో దాడి చేసేందుకు ఇరాన్ ప్రణాళికలు సిద్ధం చేసినట్లు నిఘా సంస్థలు గుర్తించాయి. దీంతో అమెరికా సెక్యూరిటీ ఏజెన్సీలు హై అలర్ట్ అయ్యాయి.

Also Read : గాలితో కరెంటు తయారు చేస్తున్న చైనా.. ప్రపంచంలోనే తొలి పవర్ స్టేషన్ ప్రారంభం!

హై అలర్ట్‌లో అమెరికా భద్రతా దళాలు

వరుస దాడులు, ఆర్థిక ఆంక్షలతో తీవ్ర ఒత్తిడిలో ఉన్న ఇరాన్, అమెరికా మెయిన్‌ల్యాండ్‌పై ప్రతీకారం తీర్చుకునే అవకాశాలు ఉన్నాయని అధికారులు భావిస్తున్నారు. ముందుజాగ్రత్త చర్యగా అమెరికా ఆర్థిక యుద్ధానికి నేతృత్వం వహిస్తున్న ట్రెజరీ సెక్రటరీ స్కాట్ బెసెంట్ నివాసాన్ని సీక్రెట్ సర్వీస్ సిబ్బంది ఇప్పటికే మిలిటరీ బేస్‌కు తరలించారు. అయితే, వైట్ హౌస్ ప్రతినిధి లారెన్ బిస్ స్పందిస్తూ.. తక్షణ ముప్పు ఉన్నట్లు సమాచారం లేకపోయినా, ప్రతి కదలికను నిశితంగా గమనిస్తున్నామని స్పష్టం చేశారు.

అసలేంటి ఈ ‘డర్టీ బాంబ్’ ప్రత్యేకత ఏంటి? డర్టీ బాంబ్ అనేది అణుబాంబు కాదు, కానీ చాలా ప్రమాదకరమైనది. సాధారణ పేలుడు పదార్థాలకు (డైనమైట్ వంటివి) రేడియో ధార్మిక పదార్థాలను కలిపి దీనిని తయారు చేస్తారు. ఇది పేలినప్పుడు అణుబాంబులా భారీ భవనాలను నేలమట్టం చేయకపోయినా, గాలిలోకి ప్రమాదకరమైన రేడియేషన్‌ను విడుదల చేస్తుంది. దీనివల్ల ఆ ప్రాంతం నివాసయోగ్యం కాకుండా పోవడమే కాకుండా, ప్రజల్లో తీవ్ర భయాందోళనలు, ఆర్థిక నష్టం కలుగుతాయి.

Also Read : జెన్ జెడ్, మిలీనియల్స్ బొమ్మలతో ఎందుకు ఆడుకుంటున్నారు? కిడల్ట్ ట్రెండ్ వెనుక అసలు స్టోరీ ఇదే!

ఇరాన్‌కు ఈ ఆపరేషన్ అంత ఈజీనా?

నిఘా వర్గాల అంచనా ప్రకారం.. ఈ తరహా దాడి చేయడం ఇరాన్‌కు పెద్ద కష్టమేమీ కాదు. ఎందుకంటే:

  • డర్టీ బాంబ్ తయారీకి వాడే రేడియో యాక్టివ్ మెటీరియల్‌ను రహస్యంగా తరలించడం చాలా తేలిక.

  • దీనికోసం ప్రత్యేకంగా ట్రైనింగ్ పొందిన ఏజెంట్లను అమెరికాలోకి పంపాల్సిన పనిలేదు. అక్కడ ఇప్పటికే నివసిస్తున్న ఇరానీయులను ఈ ఆపరేషన్‌లో భాగం చేస్తే సరిపోతుంది.

  • ఇప్పటికే బాంబు తయారీకి కావాల్సిన సామగ్రి అమెరికాలోకి చేరి ఉండొచ్చని ఇంటెలిజెన్స్ వర్గాలు కొన్ని రహస్య చాటింగ్‌ల ద్వారా అనుమానిస్తున్నాయి.