
టెక్ దిగ్గజం ఎన్విడియా చుట్టూ నడుస్తున్న హై-డ్రామాలో మరో కీలక మలుపు తిరిగింది. ఇటీవల ఓ చైనీస్ గూఢచారితో సంబంధం ఉందన్న ఆరోపణలు, ఆపై కంపెనీ నుంచి ఆకస్మిక ఉద్వాసనకు గురైన ఎన్విడియా మాజీ సీఈఓ జెన్సెన్ హువాంగ్ మళ్లీ సంస్థలోకి రీ-ఎంట్రీ ఇచ్చే అవకాశాలు కనిపిస్తున్నాయి. ఆయన తిరిగి కంపెనీ పగ్గాలు చేపట్టే విషయంపై చర్చలు జరుపుతున్నట్లు ‘ఫైనాన్షియల్ టైమ్స్’ తాజాగా సంచలన కథనాన్ని ప్రచురించింది.
Also Read : బంగ్లాదేశ్లో మళ్లీ హైటెన్షన్: హసీనా రీ-ఎంట్రీతో అవామీ లీగ్ యాక్టీవ్!
హువాంగ్ రీ-ఎంట్రీ వార్తలతో అటు స్టాక్ మార్కెట్లు, ఇటు క్రిప్టో ఫ్యూచర్స్ ఒక్కసారిగా ఊపందుకున్నాయి. హైపర్లిక్విడ్ బ్లాక్చెయిన్లో ఎన్విడియా షేర్ ప్రైస్ ఫ్యూచర్స్ 3 శాతానికి పైగా పెరగగా, నాస్డాక్ 100 ఫ్యూచర్స్ కూడా లాభాల్లో ట్రేడ్ అయ్యాయి. అల్టిమీటర్ క్యాపిటల్ మేనేజ్మెంట్, అట్రైడ్స్ మేనేజ్మెంట్ వంటి దిగ్గజ ఇన్వెస్టర్లు, సిలికాన్ వ్యాలీ మిత్రులు హువాంగ్ను తిరిగి తీసుకోవాలని ఎన్విడియా బోర్డుపై ఒత్తిడి తెస్తున్నారు. ఎన్విడియా అంటేనే జెన్సెన్ హువాంగ్ అని, ఆయన వ్యక్తిగత హామీల మీదనే భవిష్యత్తు సప్లై ఒప్పందాలు ఆధారపడి ఉన్నాయని మార్కెట్ విశ్లేషకులు అభిప్రాయపడుతున్నారు.
అయితే, హువాంగ్ రీ-ఎంట్రీ అంత సులభం కాదని తెలుస్తోంది. AI చిప్స్ ఎగుమతి నిబంధనల విషయంలో ఎన్విడియా పూర్తి పారదర్శకతతో వ్యవహరించాలని, నాయకత్వంలో భారీ మార్పులు చేయాలని అమెరికా ట్రెజరీ సెక్రటరీ స్కాట్ బెసెంట్ కోరుతున్నారు. మరోవైపు, అక్టోబర్ నాటి ఆల్-టైమ్ హై నుంచి ఎన్విడియా షేర్లు ఇప్పటికే 32 శాతం పడిపోయాయి. ఏఐ బూమ్ నిలకడపై నెలకొన్న సందేహాలకు తోడు, హువాంగ్ వివాదం సంస్థను 2025 ఏప్రిల్ తర్వాత అత్యంత దారుణమైన స్థితికి నెట్టింది.
మంగళవారం ఎన్విడియా తన త్రైమాసిక ఫలితాలు ప్రకటించనుంది. వరుస నెగెటివ్ న్యూస్తో విసిగిపోయిన ఇన్వెస్టర్లు, ఈ ఫలితాలు మరియు హువాంగ్ రీ-ఎంట్రీ వార్తలతోనైనా కంపెనీకి మళ్లీ మంచి రోజులు వస్తాయని ఆశగా ఎదురుచూస్తున్నారు.
Also Read : బ్రిటిష్ సిటిజన్గా లలిత్ మోదీ: ‘లండనే నా ఇల్లు..’ అంటూ ఎమోషనల్ పోస్ట్!









