దేశవ్యాప్తంగా ఎప్పుడెప్పుడా అని ఎదురుచూస్తున్న జనాభా లెక్కల సేకరణ(Population Census) ప్రక్రియకు సంబంధించి కేంద్ర ప్రభుత్వం కీలక ప్రకటన చేసింది. వచ్చే ఏడాది జనవరి 25 నుంచి దేశవ్యాప్తంగా అధికారికంగా జనగణన ప్రారంభం కానుంది. ఈ మేరకు రిజిస్ట్రార్ జనరల్ ఆఫ్ ఇండియా గెజిట్ నోటిఫికేషన్ విడుదల చేసింది.

Also Read : నౌకాదళంలోకి 8 యుద్ధనౌకలు.. 40 వేల కోట్ల ప్రాజెక్ట్‌కు కేంద్రం గ్రీన్ సిగ్నల్

సెల్ఫ్ ఎన్యూమరేషన్ (జనవరి 10 – జనవరి 24): ప్రజలు ఎన్యూమరేటర్ల కోసం వేచి చూడకుండా, ఆన్‌లైన్ లేదా నిర్దేశిత పోర్టల్/యాప్ విధానంలో తమ కుటుంబ వివరాలను స్వయంగా ఎంటర్ చేసుకునేందుకు అవకాశం కల్పించారు.

ఇంటింటికీ సర్వే (జనవరి 25 – ఫిబ్రవరి 28): జనవరి 25 నుంచి ఎన్యూమరేటర్లు నేరుగా ప్రతి ఇంటికీ వెళ్లి గ్రౌండ్ లెవల్‌లో సమగ్ర వివరాలు సేకరిస్తారు.

రిఫరెన్స్ డేట్ & సవరణలు: ఈ సెన్సస్‌కు రిఫరెన్స్ డేట్‌గా 2027 మార్చి 1ని నిర్ణయించారు. డేటాలో ఏవైనా మార్పులు లేదా అప్‌డేట్స్ ఉంటే, మార్చి 1 నుంచి మార్చి 5వ తేదీ వరకు కరెక్షన్స్ చేసుకునేందుకు అవకాశం ఇచ్చారు.

రాబోయే రోజుల్లో అసెంబ్లీ ఎలక్షన్స్ జరగనున్న రాష్ట్రాలతో పాటు విపరీతమైన మంచు కురిసే హై-ఆల్టిట్యూడ్ ఏరియాలకు ప్రస్తుతానికి ఈ షెడ్యూల్ నుంచి మినహాయింపు ఇచ్చారు. యూపీ, పంజాబ్, ఉత్తరాఖండ్, మణిపుర్, గోవా రాష్ట్రాలతో పాటు లద్దాఖ్, హిమాచల్ ప్రదేశ్, జమ్మూ కశ్మీర్‌లోని మంచు తీవ్రత ఎక్కువగా ఉండే ప్రాంతాల్లో ఈ విడత జనగణన జరగదు. మిగిలిన అన్ని రాష్ట్రాలు, కేంద్రపాలిత ప్రాంతాల్లో ఫిబ్రవరి 28 వరకు ఈ మెగా డ్రైవ్ కొనసాగుతుంది.

Also Read : వన్‌ప్లస్ నుంచి రెండు కిర్రాక్ ఫోన్లు.. 200mp కెమెరా, 9,000mAh బ్యాటరీతో ఫీచర్లు హైలైట్..!