తెలంగాణలో టీచర్ పోస్టుల కోసం ఎదురుచూస్తున్న అభ్యర్థులకు విద్యాశాఖ గుడ్ న్యూస్ చెప్పింది. ఉపాధ్యాయ అర్హత పరీక్ష (TG TET – January 2027) నిర్వహణకు సంబంధించిన అఫీషియల్ నోటిఫికేషన్‌ను పాఠశాల విద్యాశాఖ డైరెక్టర్ డాక్టర్ నవీన్ నికోలస్ విడుదల చేశారు. రాష్ట్రవ్యాప్తంగా అర్హులైన అభ్యర్థుల నుంచి ఆన్‌లైన్ విధానంలో అప్లికేషన్లను ఆహ్వానిస్తున్నట్లు ప్రకటించారు. ఈసారి పరీక్షలను పూర్తిగా కంప్యూటర్ బేస్డ్ టెస్ట్ (CBT) పద్ధతిలో నిర్వహించనున్నారు.

Also Read : ఫోన్ ట్యాపింగ్ కేసులో ఊహించని పరిణామాలు.. సీఎం రేవంత్ రెడ్డి సంచలన కామెంట్స్!

ముఖ్యమైన తేదీలు:

  • ఆన్‌లైన్ అప్లికేషన్ ప్రారంభం: ఈ నెల 16వ తేదీ నుంచి

  • అప్లికేషన్ చివరి తేదీ: డిసెంబర్ 10

  • హాల్ టికెట్ల డౌన్‌లోడ్: డిసెంబర్ 28 నుంచి

  • పరీక్షల తేదీలు: జనవరి 3 నుంచి జనవరి 15 వరకు

  • ఫలితాల విడుదల: ఫిబ్రవరి రెండో వారంలో

ఎగ్జామ్ ప్యాటర్న్ & టైమింగ్స్: ఈ టెట్ ఎగ్జామ్‌ను రెండు పేపర్లుగా నిర్వహిస్తారు. 1 నుంచి 5వ తరగతి వరకు బోధించాలనుకునే వారు పేపర్-1, 6 నుంచి 8వ తరగతి వరకు బోధించాలనుకునే వారు పేపర్-2 రాయాల్సి ఉంటుంది. రెండు విభాగాలకు అర్హత ఉన్నవారు రెండు పేపర్లకు అప్లై చేసుకోవచ్చు. ప్రతి రోజు రెండు సెషన్లలో పరీక్ష జరుగుతుంది. ఉదయం 9:00 నుంచి 11:30 వరకు మొదటి సెషన్, మధ్యాహ్నం 2:00 నుంచి 4:30 వరకు రెండో సెషన్ ఉంటుంది. పరీక్ష సమయం 2 గంటల 30 నిమిషాలు.

Also Read : తెలంగాణ, ఏపీల్లో వైద్య విద్యార్థులకు అదిరిపోయే గుడ్ న్యూస్.. వేలల్లో పెరిగిన సీట్లు.. ఎంతంటే..?

అప్లికేషన్ ఫీజు వివరాలు: జనరల్, బీసీ అభ్యర్థులు ఏదైనా ఒక పేపర్ రాయడానికి రూ. 750, రెండు పేపర్లకు కలిపి రూ. 1000 చెల్లించాలి. ఎస్సీ, ఎస్టీ, దివ్యాంగ (PwD) అభ్యర్థులకు ఒక పేపర్‌కు రూ. 700, రెండు పేపర్లకు కలిపి రూ. 950 ఫీజుగా నిర్ణయించారు.

ఆసక్తి గల అభ్యర్థులు అధికారిక వెబ్‌సైట్ https://schooledu.telangana.gov.in ద్వారా ఆన్‌లైన్‌లో అప్లై చేసుకోవాలని అధికారులు సూచించారు. అర్హతలు, సిలబస్ మరియు ఇతర పూర్తి వివరాల కోసం వెబ్‌సైట్‌లో అందుబాటులో ఉన్న ఇన్ఫర్మేషన్ బులెటిన్‌ను చెక్ చేయాలని కోరారు.