Road Accident : అస్సాంలో ఘోర రోడ్డు ప్రమాదం జరిగింది. కాజిరంగా సమీపంలో జరిగినఈ ప్రమాదంలో 23 మంది ప్రాణాలు కోల్పోగా, పలువురు తీవ్రంగా గాయపడ్డారు. వేగంగా వచ్చిన ట్రావెలర్ వాహనం ట్రైలర్‌ను ఢీకొనడంతో ఈ ప్రమాదం జరిగినట్లు ప్రాథమిక సమాచారం.

సమాచారం ప్రకారం.. KA01AT0977 నంబర్ ప్లేట్ కలిగిన ట్రైలర్‌ను, AS02AC6690 రిజిస్ట్రేషన్ నంబర్ ఉన్న ట్రావెలర్ వాహనం ఢీకొట్టింది. ఈ ట్రావెలర్‌లో 35 మందికి పైగా ప్రయాణికులు ఉన్నట్లు తెలుస్తోంది. వారిలో కళాశాల విద్యార్థులతో పాటు ఇతర ప్రయాణికులు కూడా ఉన్నట్లు సమాచారం.

Also Read : TVS నుంచి ఊరమాస్ ఎలక్ట్రిక్ స్కూటర్.. ఒక్కసారి ఛార్జింగ్ చేస్తే ఫుల్ మైలేజీ..!

ప్రమాదం జరిగిన వెంటనే క్షతగాత్రులను కోహోరా మోడల్ ఆసుపత్రికి తరలించారు. ప్రమాద సమాచారం అందుకున్న స్థానికులు హుటాహుటిన ఘటనాస్థలానికి చేరుకుని సహాయక చర్యలు చేపట్టారు.

ఇదిలా ఉండగా.. ట్రావెలర్ వాహనంలో ప్రయాణిస్తున్న పలువురు ఇంకా వాహనం లోపలే చిక్కుకుపోయినట్లు సమాచారం. వారిని బయటకు తీసేందుకు సహాయక చర్యలు కొనసాగుతున్నట్లు తెలుస్తోంది. ఈ ప్రమాదానికి గల ఖచ్చితమైన కారణాలు ఇంకా తెలియాల్సి ఉంది. ఈ ఘటనపై పోలీసులు కేసు నమోదు చేసుకున్నారు.

Also Read : అలా చేయకపోతే మాజీ సీఎంను చంపేస్తాం.. లారెన్స్ బిష్ణోయ్ పేరుతో బెదిరింపు కాల్స్..!

Vamshi Krishna
కందారపు వంశీకృష్ణ ఏడేళ్లుగా జర్నలిజంలో ఉన్నారు. డిజిటల్ మీడియాలో ముందుగా HMTVలో రెండేళ్లు పనిచేశారు. అనంతరం TV5లో ఏడాది, V6లో రెండున్నరేళ్లు పనిచేశారు. తర్వాత పల్లవి టీవీలో చేరి అక్కడ 6 నెలలు పనిచేశారు. ప్రస్తుతం ఆర్టీవీలో ఏడాదిన్నరగా పనిచేస్తున్నారు. బ్రేకింగ్స్, పొలిటికల్, నేషనల్, స్పోర్ట్స్, సినిమా తదితర కేటగిరీల వార్తలు ఎక్కువగా రాస్తుంటారు.