
ప్రస్తుతం మన దేశంలో టెలికాం కంపెనీలు పలు రకాల రీఛార్జ్ ప్లాన్లను అందిస్తూ తమ యూజర్లను ఆకట్టుకుంటున్నాయి. జియో, ఎయిర్టెల్, వొడాఫోన్ ఐడియా, బీఎస్ఎన్ఎల్ వంటి సంస్థలు 3 నెలల కాలానికి 1.5జీబీ డేటా, అపరిమిత వాయిస్ కాలింగ్, రోజుకు 100 SMSతో పాటు మరెన్నో అద్భుతమైన బెనిఫిట్స్ను అందిస్తున్నాయి. ఇప్పుడు వాటి గురించి పూర్తిగా తెలుసుకుందాం.
జియో 3 నెలల ప్లాన్:
జియో మూడు నెలల ప్లాన్ను రూ.889లతో రీఛార్జ్ చేసుకోవాల్సి ఉంటుంది. ఇందులో రోజుకు 1.5GB డేటాను పొందొచ్చు. అంటే మొత్తం 126GB లభిస్తుంది. ఈ ప్లాన్తో రీచార్జ్ చేసుకుంటే దాదాపు 84 రోజుల వ్యాలిడిటీ వస్తుంది. అలాగే అన్లిమిటెడ్ వాయిస్ కాలింగ్, డైలీ 100 SMSలు, అన్లిమిటెడ్ 5G డేటాను అందిస్తుంది. ఇవి మాత్రమే కాకుండా.. జియో హాట్స్టార్కు ఫ్రీ సబ్స్క్రిప్షన్, జియోసావన్ ప్రో, జియోటీవీ, జియోఏఐక్లౌడ్కు యాక్సెస్ పొందొచ్చు. హై-స్పీడ్ డేటా అయిపోయిన తర్వాత ఇంటర్నెట్ వేగం 64kbpsకి తగ్గుతుంది.
ఎయిర్టెల్3 నెలల ప్లాన్:
రూ.899 ప్రీపెయిడ్ ప్లాన్లో ఎయిర్టెల్ వినియోగదారులు.. రోజుకు 1.5GB డేటా పొందుతారు. అలాగే అన్లిమిటెడ్ 5G డేటా వస్తుంది. ఈ ప్లాన్ 84 రోజుల పాటు వ్యాలిడిటీని కలిగి ఉంటుంది. అన్లిమిటెడ్ వాయిస్ కాలింగ్, డైలీ 100 SMSలు పొందొచ్చు. ఇతర బెనిఫిట్స్ విషయానికొస్తే.. 30 రోజుల పాటు ఫ్రీ హలోట్యూన్స్ లభిస్తుంది. హై-స్పీడ్ డేటా అయిపోయిన తర్వాత ఇంటర్నెట్ వేగం 64Kbpsకి తగ్గుతుంది.
వోడాఫోన్ ఐడియా 3 నెలల ప్లాన్:
వోడాఫోన్ ఐడియా కూడా మూడు నెలల ప్లాన్ను రూ.899లకు అందిస్తుంది. ఈ ప్లాన్లో ప్రతిరోజూ 1.5GB డేటా పొందొచ్చు. అన్లిమిటెడ్ 5G ఇంటర్నెట్ కూడా అందుబాటులో ఉంది. ఈ ప్లాన్ 84 రోజుల వ్యాలిడిటీతో వస్తుంది. ఇందులో అపరిమిత వాయిస్ కాలింగ్, డైలీ 100 SMSలు లభిస్తున్నాయి. అంతేకాకుండా ఈ ప్లాన్లో అర్ధరాత్రి 12 గంటల నుండి ఉదయం 6 గంటల వరకు అపరిమిత డేటాను ఉపయోగించుకోవచ్చు. అలాగే వీకెండ్ డేటా రోల్ఓవర్ కింద.. సోమవారం నుండి శుక్రవారం వరకు మిగిలిపోయిన డేటాను శని, ఆదివారాల్లో ఉపయోగించుకోవచ్చు. ఇది కాకుండా.. ప్రతి నెలా ఎలాంటి ఎక్స్ట్రా ఖర్చు లేకుండా 2GB డేటా బ్యాకప్ లభిస్తుంది.
BSNL 3 నెలల ప్లాన్:
పైనున్న టెలికాం కంపెనీలన్నింటికి భిన్నంగా BSNL అతి తక్కువ ధరకే మూడు నెలల ప్లాన్ అందిస్తుంది. కేవలం రూ.498లతో రీఛార్జ్ చేసుకుంటే.. రోజుకు 1.5GB డేటా పొందొచ్చు. ఈ ప్లాన్లో 82 రోజుల పాటు వ్యాలిడిటీ పొందొచ్చు. అలాగే అన్లిమిటెడ్ వాయిస్ కాలింగ్, రోజుకు 100 SMSలు లభిస్తున్నాయి. హై స్పీడ్ డేటా పూర్తయిన తర్వాత వేగం 80 Kbpsకి తగ్గుతుంది.









