TEA TIPS TELUGU
TEA TIPS TELUGU

మన దేశంలో టీ అంటే పడిచచ్చిపోయే జనాలు ఉన్నారు. సమయం, సందర్భంతో తేడా లేకుండా టీ తాగేందుకు ప్రజలు ఎంతో ఆసక్తి చూపిస్తుంటారు. ముఖ్యంగా ఉదయం లేవగానే ఈ ఇష్టమైన పానీయం తాగకపోతే.. ఆ రోజంతా వారికి పొద్దేగడవదు. ఫ్రెండ్స్‌తో కూర్చుని సరదాగా కబుర్లు చెప్పడానికి, రోజంతా కష్టపడిన తర్వాత ఉపశమనం పొందడానికి ఒక కప్పు టీ ప్రతి సందర్భాన్ని చాలా స్పెషల్‌గా మారుస్తుంది.

ఇదంతా సరే కానీ.. తాగే టీ సరిగ్గా లేకపోతే పరిస్థితి ఏంటి?.. ఎంతో ఇష్టంగా తాగే టీ మీ మూడ్‌ను పాడుచేస్తే.. ఆ రోజంతా ఏదో కోల్పోయిన ఫీలింగ్ ఉంటుంది. చిన్న చిన్న పొరపాట్లే టీ రుచిని మారుస్తాయని మీకు తెలుసా?. అవును.. మీరు చేసే చిన్న మిస్టేకే మీ టీ టేస్ట్‌ను మొత్తం మార్చేస్తుంది. అందువల్ల ఒక చక్కటి టీని తయారుచేయాలనుకుంటే.. దానికి సంబంధించిన సరైన పద్దతి తెలుసుకోవడం చాలా ముఖ్యం. టీ చేసేటప్పుడు మొదటి ఏం కలపాలి?.. ఎలా చేస్తే రుచికరమైన టీ తయారవుతుందో ఇప్పుడు పూర్తిగా తెలుసుకుందాం.

టీ ప్రిపరేషన్ కోసం ముందుగా నీళ్లు, యాలకులు, అల్లం, టీ ఆకులు, చక్కెర, పాలు ఒక దగ్గర పెట్టుకోవాలి.

Also Read : వాట్సాప్‌లో సరికొత్త ఫీచర్.. ఇకపై ఆల్ ఇన్ వన్ యాప్‌గా మారనున్న చాటింగ్ యాప్.. ఎలాగంటే?

మొదటగా ఏం కలపాలి?

రుచికరమైన టీ కోసం ముందుగా నీళ్లను మరిగించాలి.

నీరు మరిగే క్రమంలో పక్కనే తరిగిన యాలకులు, అల్లం అందులో వేసి కలపాలి.

మసాలాల రుచి మొత్తం నీటిలో ఇంకిపోయేలా దాదాపు 3-4 నిమిషాల పాటు ఉడకనివ్వాలి.

ఆ తర్వాత టీ ఆకులు, చక్కెర వేసి మళ్ళీ 3-4 నిమిషాల పాటు మరిగించాలి.

ఇలా చేసిన తర్వాత ఆఖరిగా గది ఉష్ణోగ్రత వద్ద ఉంచిన పాలను అందులో పోసి టీని బాగా మరిగించాలి.

ఇలా చేస్తే టీ ఎంతో టేస్టీగా ఉంటుంది.

Also Read : కేదార్‌నాథ్ ఆల‌యం మూసివేత‌.. మళ్లీ 6 నెలల తర్వాతే

ఈ తప్పులు చేయవద్దు..

చాలా మంది టీ తయారుచేసేటప్పుడు.. ఫ్రిజ్‌లో ఉంచిన పాలను వెంటనే బయటకి తీసి అందులో వేసేస్తుంటారు. అలా చేయడం వల్ల టీ రుచి మారిపోతుంది. ఫ్రిజ్ నుండి తీసిన వెంటనే పాలను పోయకుండా.. ముందుగా వాటిని గది ఉష్ణోగ్రతకు వచ్చేలా చూసుకోవాలి. ఆ తర్వాత మరిగిన నీటిలో వెయ్యాలి.

అల్లం తురమడానికి బదులుగా.. దాన్ని దంచి కలపితే రుచి బాగుంటుంది.

టీ ఆకులు, చక్కెర వేసిన తర్వాత నీటిని కొంత సేపు మరిగించాలి.

పాలు పోసిన తర్వాత టీని హైఫ్లేమ్‌లో పెట్టి మధ్యమధ్యలో కలుపుతూ ఉండాలి.