
ఏపీ సర్కార్ DSC-2026 అభ్యర్థులకు అదిరిపోయే గుడ్ న్యూస్ అందించింది. మొత్తం 2,721 ఉపాధ్యాయ పోస్టుల భర్తీకి నోటిఫికేషన్ను రిలీజ్ చేసింది. మరోవైపు ఇక్కడే అభ్యర్థులకు ఎవరూ ఊహించని బిగ్ షాకిచ్చింది. ఈసారి నియామక ప్రక్రియలో విద్యాశాఖ సంచలన మార్పులను తీసుకొచ్చింది.
Also Read : తెలుగు రాష్ట్రాలకు భారీగా కేంద్ర నిధులు.. లక్ష కోట్లు విడుదల
కనీస అర్హత మార్కులు తప్పనిసరి
ప్రభుత్వం మొదటిసారిగా కటాఫ్ మార్కుల నిబంధనను అమల్లోకి తెచ్చింది. అంటే అభ్యర్థులు ఉద్యోగం పొందాలంటే.. కనీస అర్హత మార్కులు తప్పనిసరి చేశారు. అయితే గతంలో డీఎస్సీ ఎంపిక ప్రక్రియలో ఈ నిబంధన లేకపోవడం వల్ల చాలా తక్కువ మార్కులు వచ్చిన వారికి కూడా ఉద్యోగాలు వచ్చేవి.. కానీ ఇప్పుడు అలాంటి పరిస్థితి లేకుండా ప్రభుత్వం కీలక మార్పు చేసింది.
దీంతో ఇకపై టీచర్ ఉద్యోగం రావాలంటే.. డీఎస్సీలో కనీస అర్హత మార్కులు రావాల్సిందే. తాజా నోటిఫికేషన్ ప్రకారం.. OC, EWS అభ్యర్థులు – 40 శాతం, BC అభ్యర్థులు- 35 శాతం, SC, ST, దివ్యాంగుల అభ్యర్థులు- 30 శాతం కనీస మార్కులు సాధించాలి. డీఎస్సీ (80%), టెట్ (20%) కలిపి కనీస మార్కులు సాధించాలని నోటిఫికేషన్లో పేర్కొన్నారు. ఈ అర్హత మార్కులు సాధించని అభ్యర్థులకు పోస్టులు కేటాయించరు. ఒకవేళ మిగిలిపోయిన ఖాళీలను నెక్స్ట్ డీఎస్సీకి క్యారీ ఫార్వార్డ్ చేస్తారు. అలాగే ఎక్స్-సర్వీస్మెన్, స్పోర్ట్స్ అభ్యర్థులకు కూడా ఇవే నిబంధనలు వర్తిస్తాయి.
వయోపరిమితి
అభ్యర్థుల కనీస వయస్సు 18 ఏళ్లుగా నోటిఫికేషన్లో నిర్ణయించారు. OC అభ్యర్థులకు గరిష్ఠ వయోపరిమితి 44 ఏళ్లు.. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 49 ఏళ్లు.. దివ్యాంగులకు 54 ఏళ్ల వరకు అవకాశం కల్పించారు.
దరఖాస్తు రుసుము: రూ. 1,000.
ఎడిట్ ఆప్షన్: ఒకటి కంటే ఎక్కువ పోస్టులకు అప్లై చేసుకునే అభ్యర్థులు దరఖాస్తు సమయంలోనే పోస్టుల ప్రాధాన్యతను నమోదు చేయాలి. మెరిట్ జాబితా వచ్చాక 7 రోజుల పాటు డాక్యుమెంట్ వెరిఫికేషన్, ఆప్షన్ల సవరణకు ఎడిట్ అవకాశం ఉంటుంది. ఒకవేళ సరైన డాక్యుమెంట్స్ సరిగా అప్లోడ్ చేయకపోతే అనర్హులుగా ప్రకటిస్తారు.
పరీక్షల నిర్వహణ
పరీక్షలు కంప్యూటర్ ఆధారిత విధానంలో నిర్వహించనున్నారు. జిల్లా కేంద్రాలు, మండలాల వారీగా ఎగ్జామ్ సెంటర్లను ఏర్పాటు చేస్తారు.
పోస్టుల వర్గీకరణ
మొత్తం 2,721 పోస్టులలో ముఖ్యమైన విభాగాలు:
రెగ్యులర్ టీచర్ పోస్టులు: 2,111
స్పెషల్ ఎడ్యుకేషన్ పోస్టులు: 350
సొసైటీ పోస్టులు: 260
మొత్తం పోస్టులలో 1,535 SGT, 1,186 స్కూల్ అసిస్టెంట్ పోస్టులు ఉన్నాయి.
Also Read : మున్సిపల్ ఎన్నికల్లో వాసిరెడ్డి పద్మ కుమార్తె విక్టరీ!









