
వైసీపీ మాజీ ఎంపీ వి. విజయసాయి రెడ్డి(Vijayasai Reddy) తన రాజకీయ ప్రస్థానంలో కొత్త అధ్యాయానికి శ్రీకారం చుట్టారు. విజయవాడలోని ‘ఏ కన్వెన్షన్ సెంటర్’ వేదికగా ఉదయం 11:11 గంటలకు కొత్త రాజకీయ పార్టీ ‘పరివర్తన రాజనీతి పార్టీ’ (PRP) ని అధికారికంగా ప్రకటించారు. కాషాయం, తెలుపు రంగులతో పార్టీ జెండాను డిజైన్ చేశారు. దాని మధ్యలో ‘ధర్మచక్రం’ గుర్తు ఉంటుందని తెలిపారు. అయితే ఏపీ రాజకీయాల్లో తమ పార్టీ బలమైన మూడో ప్రత్యామ్నాయంగా నిలవబోతోందని ధీమా వ్యక్తం చేశారు. రాష్ట్రాన్ని కేవలం రెండు కుటుంబాలే పరిపాలించాలా అని విజయసాయిరెడ్డి ప్రశ్నించారు. వారసత్వ రాజకీయాలకు చెక్ పెడుతూ సామర్థ్యం ఉన్న యువతలోనే నాయకుడిని వెలికితీసి సీఎం చేస్తానని స్పష్టం చేశారు. తనకు ముఖ్యమంత్రి కావాలనే ఆశ లేదని.. తానెప్పుడూ పదవుల కోసం ఎవరినీ అడగలేదని ఆయన పేర్కొన్నారు.
Also Read : కిమ్ వారసురాలిగా ఆమెనేనా? ఉత్తర కొరియాలో నాలుగో తరం సిద్ధం!
బీజేపీ నినాదాన్ని పోలిన ట్యాగ్లైన్తో విజయసాయిరెడ్డి కొత్త రాజకీయ పార్టీ ప్రకటన!
“దేశం కోసం.. ధర్మం కోసం” అనే నినాదంతో పార్టీ ప్రకటన సభా వేదికపై బ్యానర్లు ఏర్పాటు.
#VijaysaiReddy https://t.co/DJThTfaz8u— Telugu Stride (@TeluguStride) November 11, 2026
రాష్ట్రంలో మంచి పని చేస్తే ఎవరైనా అభినందించాలని, తప్పు ఎవరు చేసినా ఆఖరికి తాను అయినా, చంద్రబాబు అయినా, జగన్ మోహన్ రెడ్డి అయినా ఆధారాలతో సహా ప్రశ్నించాల్సిందేనని విజయసాయిరెడ్డి స్పష్టం చేశారు. 2019లో వైసీపీకి 151 సీట్లు ఇచ్చిన ప్రజలే 2024లో 11 సీట్లకు ఎందుకు పరిమితం చేశారో ఆలోచించుకోవాలని సూచించారు. నాయకుడికి, ప్రజలకు మధ్య ‘గోడలు’ కట్టుకుంటూ పోతే ఫలితం ఇలాగే ఉంటుందన్నారు. 2024లో అధికారంలోకి వచ్చిన కూటమి ప్రభుత్వం కూడా ఇచ్చిన హామీలను నెరవేర్చడంలో విఫలమైందని ధ్వజమెత్తారు. చంద్రబాబు, జగన్లలో నిజమైన నాయకత్వ లక్షణాలు లేవని విమర్శించారు. రాబోయే 2029 ఎన్నికల్లో తమ ‘పరివర్తన రాజనీతి పార్టీ’ అధికారంలోకి రావడం ఖాయమని ధీమా వ్యక్తం చేశారు.
Also Read : షాకింగ్ న్యూస్.. విడాకులు ప్రకటించిన పవన్ కల్యాణ్, అన్నా కొణిదెల.. అసలు ఏం జరిగింది?









